| e-texts navigator |
| Wylie |
167a1 པའི་ཆོས་སྐུ་ལ།། རང་ལ་རང་དུ་ཆོས་སྐུར་ཤེས།། ད་ལྟའི་རིག་པ་འདི་ཡིན་ཏེ།། དུས་རྣམས་ཀུན་ཏུ་འབྲལ་བ་མེད།། སྒྲོ་སྐུར་མེད་པའི་རིག་པ་གསལ།། ངོ་བོ་ཉིད་ཀྱི་སྐུ་ཞེས་བྱ།། ཀུན་བཟང་རྟོགས
167a2 པ་ངེས་པའི་དོན།། མིང་དང་དཔེ་དོན་མཉམ་ཀྱི་གྲངས།། དྲུག་གསུམ་ཆོས་སྐུ་གཅིག་ལ་རྫོགས།། དེ་ཡང་འདུས་པའི་སྙིང་པོ་ཉོན།། དེ་ཚེ་འཁོར་འདས་པར་དོ་ལ།། རྒྱུ་དང་འབྲས་བུ་ལུང་མ་བསྟན།། སེམས་ལས་མ
167a3 བྱུང་སངས་རྒྱས་ནི།། རང་བྱུང་ཀུན་ཏུ་བཟང་པོ་བྱ།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། རྟོགས་པའི་བརྒྱུད་པ་བསྟན་པའི་ལེའུ་སྟེ་བཅུ་བཞི་པའོ།། །། ཀུན་རིག་སྟོན་པས་ཡང་གསུངས་པ།། ངེས
167a4 དོན་བྱིན་རླབས་བརྒྱུད་པའི་དོན།། གང་ཕྱིར་བྱིན་རླབས་དཔེ་དང་ནི།། སྤྲུལ་པའི་དགོངས་པ་བརྡའ་ཡིས་ནི།། ཚིག་བརྒྱུད་ཡོན་ཏན་བཤད་ཀྱིས་ཉོན།། སེམས་དག་རིག་འཛིན་བསྐུལ་པའི་ཕྱིར།། སངས་རྒྱས་བཀའ
167a5 བགྲོས་ངེས་པའི་དོན།། ཡེ་ཤེས་རིག་པ་རང་གནས་ཕྱིར།། བྱིན་རླབས་སངས་རྒྱས་ཀུན་ལ་ཤར།། དེ་ཡི་མཚོན་དཔེ་བསྟན་པ་ནི།། ནམ་མཁའི་གཟའ་སྐར་ཤར་ཙམ་ན།། རྒྱ་མཚོའི་ནང་དུ་གཟུགས་བརྙན་འབྱུང་།།
167a6 དེ་ཙམ་ཉིད་ན་ཐ་དད་མེད།། དེ་བཞིན་ཀུན་བཟང་བྱིན་རླབས་གྱིས།། སྐུ་གསུང་ཐུགས་ཀྱི་ཡོན་ཏན་ལས།། སྤྲུལ་པ་རྣམ་གསུམ་ཤུགས་ལས་འབྱུང་།། དེ་ཉིད་ཆོས་སྐུ་ཉིད་ཀྱི་རྩལ།། དེ་དོན་དགོངས་པ་རྣམ་གསུམ
iiif viewer powered by OpenSeadragon
