| e-texts navigator |
| Wylie |
166b1 ཇི་ལྟར་སྤྱད།། ངེས་དོན་རྒྱུན་ཀྱི་བཀའ་རྟགས་གང་།། ཀུན་མཁྱེན་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འབྲལ་མེད་ཆོས་ལས་རང་བཞེངས་ཏེ།། ཡེ་ཤེས་རིག་པའི་ཀློང་བརྟོལ་ནས།།
166b2 སྣོད་ལྡན་འཁོར་ལ་བཀའ་སྩལ་པ།། རིག་འཛིན་གྲུབ་ཐོབ་བཀའ་རྟགས་ནི།། དོན་གྱིས་བརྒྱུད་དང་བྱིན་གྱིས་བརླབས།། བརྡའ་ཡིས་བསྟན་དང་ཚིག་གི་མཚོན།། སྒུར་རྒྱལ་སྲས་ལ་སྲིད་གཏོད་འདྲ།། དེ་ཡང་རྡོ་རྗེ
166b3 སེམས་དཔའ་ཉོན།། དོན་གྱིས་ཁྱབ་དང་རྟོགས་པ་ཡི།། དབྱེ་བ་རྣམ་པ་གཉིས་བསྟན་པའི།། ཏིལ་ལ་མར་གྱིས་ཁྱབ་པ་བཞིན།། སངས་རྒྱས་སེམས་ཅན་མ་ལུས་ལ།། རང་བཞིན་ངོ་བོའི་ལུས་ཀྱིས་ཁྱབ།། དེ་ཕྱིར
166b4 དོན་གྱིས་ཁྱབ་པར་གསུངས།། དེ་དོན་རྟོགས་པས་བརྒྱུད་པ་ཡི།། སྔོན་གྱི་སངས་རྒྱས་ཀུན་བཟང་དེས།། འཁྲུལ་མ་མྱོང་ལ་རྟོགས་མྱོང་བའི།། གཞི་དང་ཡེ་ཤེས་དུས་མཉམ་ཤར།། དེ་ཕྱིར་ཀུན་ཏུ་བཟང་པོ་བྱ།། དེ
166b5 ཡང་རྡོ་རྗེ་སེམས་དཔའ་ཉོན།། སངས་རྒྱས་མྱ་ངན་འདས་པའི་གཞི།། རང་བྱུང་ངོ་བོ་ཉིད་སྐུ་དེ།། མ་མཛད་མ་བཅོས་རྒྱས་མ་བསྐྱེད།། ནམ་མཁའི་མཐོངས་སུ་ཉི་ཤར་འདྲ།། གདོད་ནས་མ་རིག་སྐྱོན་མ་གོས།། ལུང
166b6 ལ་མ་བརྟེན་རིག་ཅིང་རྟོགས།། སངས་མ་རྒྱས་པའི་རིག་པ་ལ།། རང་བྱུང་ཡེ་ཤེས་དེ་ལ་བྱ།། དེ་ཡང་འདུས་པའི་སྙིང་པོ་ཉོན།། གང་ལ་ཡེངས་མེད་ཡང་དག་ཡོད།། སྒོ་སྐུར་མེད་པའི་རིག་པ་ནི།། དུས་གསུམ་གཅིག
iiif viewer powered by OpenSeadragon
