| e-texts navigator |
| Wylie |
166a1 ཆུང་གདེང་ཟིན་ཉིད།། དེ་ཕྱིར་བསྲུང་བྱའི་དམ་ཚིག་སྟེ།། བར་ཆད་མི་འབྱུང་དངོས་གྲུབ་ཐོབ།། སྤང་བར་བྱ་བའི་དམ་ཚིག་བཞི།། འཁོར་བ་བསྐྱེད་པའི་རྟེན་གཞི་སྟེ།། དེ་མ་སྤངས་པར་གྲོལ་མི་སྲིད།།
166a2 དེ་ཕྱིར་མ་རྟོགས་རྣམས་ཀྱིས་སྤང་།། གནང་བར་བྱ་བའི་དམ་ཚིག་བཞི།། ལྟ་བ་གདེང་ལྡན་རྣམས་ཀྱིས་བྱ།། ཐ་མལ་ཀུན་གྱིས་བྱར་མི་རུང་།། དེ་ཕྱིར་རྟོགས་ལྡན་རྣམས་ཀྱིས་སྤྱད།། དེ་ཡང་རྡོ་རྗེ་སེམས་དཔའ
166a3 ཉོན།། གཡོ་རྒྱུ་མེད་པའི་སྐལ་ལྡན་གྱིས།། རྩེད་འཇོ་ལེ་ལོ་རྣམ་གཡེང་སྤང་།། འཁོར་མཁས་སློབ་གུས་དད་ལྡན་ལ།། སྣོད་ལྡན་ཡིན་ཕྱིར་འཁྲུལ་པ་བཟློག། དེ་ཡང་འདུས་པའི་སྙིང་པོ་ཉོན།། སྣོད་ལྡན་ལས་དང
166a4 སྐལ་བར་འཛོམ།། ངེས་དོན་རྒྱུད་ཆེན་བསྟན་པའི་སྣོད།། ཕྱི་མར་མི་སྡོད་དུས་འདི་རུ།། མན་ངག་སྙིང་པོ་བསྟན་པར་གསུངས།། རྫོགས་པ་ཆེན་པོ་ངེས་དོན་ཐམས་ཅད་འདུས་པའི་སྙིང་པོ་ཀུན་ཏུ་བཟང་པོ་ཡེ་ཤེས
166a5 ཀློང་གི་རྒྱུད། རིན་པོ་ཆེ་གསེར་གྱི་ཡང་ཞུན་ལས། ཡང་ཏི་རྫོགས་ཆེན་གྱིས་འཁྲུལ་པ་ལྡོག་པའི་ཐབས་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། སྣོད་ལྡན་དམ་བཅས་དོན
166a6 ཆེད་དུ།། ཀུན་རིག་ཐམས་ཅད་མཁྱེན་པ་ལ།། ངེས་དོན་གདམས་ངག་འདི་སྐད་ཞུས།། རིག་འཛིན་གྲུབ་ཐོབ་བཀའ་རྟགས་གང་།། རིག་པ་བྱིན་གྱིས་ཇི་ལྟར་བརླབ།། དེ་དོན་ཉམས་སུ་ཇི་ལྟར་མྱོང་།། ལ་ཟློ་སྤྱོད་པ
iiif viewer powered by OpenSeadragon
