| e-texts navigator |
| Wylie |
165b1 བར་འཁྱམས།། དེ་ཕྱིར་སྤུ་བྲིད་ཆོས་འདིས་ཕུང་།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། ཐེག་པ་འོག་མ་པའི་ཆོས་ཀྱིས་འཁྲུལ་པ་མི་ལྡོག་པར་བསྟན་པའི་ལེའུ་སྟེ་བཅུ་གཉིས་པའོ།། །། ཀུན་རིག་སྟོན
165b2 པས་ཡང་གསུངས་པ།། ཡང་ཅིག་རྫོགས་ཆེན་ངེས་དོན་གྱིས།། འཁྲུལ་པ་ཟློག་པའི་ཐབས་ཆེན་ནི།། ལུང་ལྡན་གདམས་ངག་ལྡན་པ་ཡི།། བླ་མ་རྡོ་རྗེ་སློབ་དཔོན་དེ།། གདམས་ངག་མཁས་ལ་ཐུགས་རྗེ་ཆེ།། དམ
165b3 ཚིག་ལྡན་པའི་སློབ་དཔོན་ལ།། སློབ་མས་ཡོན་ནི་མ་ཕུལ་བར།། དེ་ལྟའི་གདམས་ངག་ཞུ་མི་བྱ།། དེ་ཡང་རྡོ་རྗེ་སེམས་དཔའ་ཉོན།། སྨིན་པར་བྱེད་པའི་དབང་ཆེན་ནི།། ཐུན་མོང་མ་ཡིན་ཁྱད་འཕགས་པའི།། ངོ་བོ
165b4 དབྱེ་བ་དཔེ་དང་གནས།། རྫས་དང་ངེས་ཚིག་ལས་དང་སྐལ།། རྟགས་དང་མཐར་ཟུག་ཀུན་རྫོགས་པའི།། རིག་པ་ཐུགས་ཀྱི་དབང་གསུམ་ནི།། རིམ་གྱི་མ་ཡིན་ཅིག་ཅར་དུ།། དད་ལྡན་གྱིས་ནི་མནོས་གྱུར་ན།། སྐྱེ་བ
165b5 འདི་ཡིས་སངས་རྒྱས་འགྲུབ།། དེ་ཡི་དམ་ཚིག་མདོར་བསྡུས་ན།། རྟོགས་ཐབས་དམ་ཚིག་རྣམ་ལྔ་ཡང་།། རྩ་བ་རང་སེམས་འདི་ཉིད་ལས།། གཞན་ན་ཡོད་པ་མ་ཡིན་ནོ།། རང་རིག་རྟོགས་ན་དམ་ཚིག་མཆོག། དེ
165b6 ཡང་འདུས་པའི་སྙིང་པོ་ཉོན།། ཆེད་དུ་བྱ་བའི་དམ་ཚིག་དྲུག། རྩ་བ་སྐུ་གསུང་ཐུགས་སུ་འདུས།། དེ་ཕྱིར་བརྩེ་གདུང་དམ་ཚིག་སྟེ།། ཆོས་རྣམས་ཀུན་གྱི་རྩ་བ་ཡིན།། བསྲུང་བའི་དམ་ཚིག་རྣམ་ལྔ་ཡང་།། རྩ་བ་འདོད
iiif viewer powered by OpenSeadragon
