| e-texts navigator |
| Wylie |
165a1 འདུས་པའི་སྙིང་པོ་ཉོན།། དེ་དག་འཁྲུལ་ཚུལ་རྣམ་བཞི་ཡང་།། སྤྱི་ཡི་མཚན་ཉིད་ཡིན་པའི་ཕྱིར།། གཞི་དང་འགལ་ཕྱིར་དོན་ལས་གོལ།། དེ་ཕྱིར་ལུང་ལྡན་གདམས་ངག་དགོས།། ཀུན་ཏུ་བཟང་པོ་ཡེ
165a2 ཤེས་ཀློང་གི་རྒྱུད་རིན་པོ་ཆེ་གསེར་གྱི་ཡང་ཞུན་ལས། རྫོགས་ཆེན་སྤྱིའི་འཁྲུལ་ཚུལ་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་རྡོ་རྗེ་སེམས་དཔའ་ཡིས།། འཁོར་གྱི་དད་ལྡན་དོན་དུ་ཡང་།། ཀུན་རིག
165a3 སྟོན་པ་ཆོས་རྗེ་ལ།། བདེན་པའི་དགོངས་དོན་འདི་སྐད་གསོལ།། འཁོར་རྣམས་འཁྲུལ་པ་ལྡོག་པའི་ཐབས།། ཚེགས་མེད་རྟོགས་ཐབས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ
165a4 བཀའ་སྩལ་པ།། འོག་མའི་འཁྲུལ་པ་ལྡོག་ཐབས་དང་།། ཡང་ཏི་ངེས་དོན་ལྡོག་པ་གཉིས།། ང་ཡིས་བསྟན་གྱིས་ལེགས་པར་ཉོན།། འོག་མའི་ཆོས་ཀྱི་འཁྲུལ་ལྡོག་ཐབས།། གཉེན་པོ་དང་ནི་ཡེ་ཤེས་ཀྱིས།། ཀུན་རྫོབ
165a5 ཉོན་མོངས་སྒྲིབ་སྦྱངས་ཏེ།། དོན་དམ་ཤེས་བྱའི་སྒྲིབ་སྦྱངས་ལ།། ཚོགས་བསགས་པ་ཡི་སངས་རྒྱས་ནི།། ལས་ལྔ་ས་བཅུ་རིམ་བགྲོད་ཏེ།། ཕ་རོལ་ཕྱིན་བཅུ་མཐར་ཕྱིན་ནས།། སྒྲིབ་དག་འཁྲུལ་པ་ལྡོག་པའི་དུས།།
165a6 དྲང་དོན་ཡིན་ཕྱིར་སངས་མི་རྒྱ།། དེ་ཕྱིར་ངེས་དོན་བཀའ་འདི་དགོས།། དེ་ཡང་འདུས་པའི་སྙིང་པོ་ཉོན།། མཚན་ཉིད་རྣམ་གསུམ་ཆོས་ཀྱིས་ནི།། འཁྲུལ་པ་མི་བཟློག་རེ་དོགས་མཐའ།། རྣམ་རྟོག་རྒྱར་ཆུད་འཁོར
iiif viewer powered by OpenSeadragon
