| e-texts navigator |
| Wylie |
164b1 པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། རྫོགས་ཆེན་སྤྱི་ཡི་འཁྲུལ་པ་ནི།། རིན་ཆེན་གསེར་སྦྲུལ་མཐོང་སྟོངས་བཞིན།། སྤྱི་དང་ཁ་འབྱམས་ཀུན
164b2 བརྟགས་ཀྱིས།། ལུང་ཚིག་ཙམ་ལ་ངེས་འཆའ་བ།། དེ་དག་གོལ་བར་ངས་བཤད་ཉོན།། མིང་ནི་ཚིག་ཙམ་ཤེས་པའི་གཞིས།། མཁས་སུ་རེ་ནས་ཐ་སྙད་འདོགས།། དོན་མེད་ནམ་མཁའི་མཐའ་ཚོལ་འདྲ།། ཚིག་ཏུ
164b3 ཤེས་པས་དོན་མི་རྟོགས།། ཚིག་ཉིད་དོན་ཡིན་ཟེར་བ་འཁྲུལ།། དེ་ཡང་འདུས་པའི་སེམས་དཔའ་ཉོན།། ཁ་འབྱམས་དཔའ་བོའི་འཁྲུལ་པ་དེ།། སྣང་བ་སེམས་སྡུད་གཞི་རུ་བྱེད།། འཁྲུལ་པའི་དབྱེ་བ་ལྷུན་གྲུབ
164b4 བཅུ།། འབྲས་བུ་མི་འབྱུང་ལོག་པར་གོལ།། གཞི་དང་མི་མཐུན་ལུང་རིག་འགལ།། གཞི་ཉིད་མ་ཤེས་སྐྱེ་བོ་རང་།། དེ་ཡང་རྡོ་རྗེ་སེམས་དཔའ་ཉོན།། ཀུན་བརྟགས་ལྷར་ནི་འཁྲུལ་པ་ཡི།། ཕྱི་ནང་གསང་སྔགས་སྣང
164b5 པབའི་གཞི།། བསྐྱེད་དང་རྫོགས་འདོད་རིམ་པ་འཁྲུལ།། དོན་མ་ཟིན་པས་འབྲས་བུ་མེད།། གཞི་ལ་ལྷ་མེད་བསྐྱེད་མི་དགོས།། མ་བསྐྱེད་ཆོས་སྐུ་ཡེ་ནས་ཡིན།། དེ་ཡང་འདུས་པའི་སྙིང་པོ་ཉོན།། ཚིག་ཟིན་ལུང་གི
164b6 འཁྲུལ་ཚུལ་དེ།། ཚིག་ཙམ་ལུང་ལ་ཁུངས་བྱེད་པས།། དགོངས་པ་རྣམ་གསུམ་མ་ཤེས་འཁྲུལ།། ཚིག་ཙམ་ལུང་གིས་དོན་མི་རྟོགས།། དོན་མེད་ཚིག་གིས་དགོས་པ་མེད།། ལུང་མེད་དོན་གོ་ཡེ་སངས་རྒྱས།། དེ་ཡང
iiif viewer powered by OpenSeadragon
