| e-texts navigator |
| Wylie |
164a1 ཀུན་རིག་རྒྱལ་པོས་ཡང་གསུངས་པ།། ནང་པ་བསྐྱེད་རྫོགས་རྣམ་གཉིས་ཀྱིས།། དོན་གྱི་དབྱེ་བ་བསྟན་པའི་ལུང་།། ནམ་མཁའ་སྤྲིན་དང་ཁུ་རླངས་བཞིན།། རྣལ་འབྱོར་མ་ཧཱ་ཡོ་ག་ཡི།། བདེན་པ
164a2 དབྱེར་མེད་འདོད་པའི་གཞི།། རྟོག་ཚོགས་ལྷར་བསྒྱུར་བསྒོམ་པས་འཁྲུལ།། དེ་ཕྱིར་བགེགས་དང་རཱ་ཏྲར་ལྟུང་།། དབུ་མ་དང་འདྲ་འབྲས་བུ་གོལ།། ལམ་ལ་མི་བརྟེན་རྟོགས་པས་ཆོག། དེ་ཡང་རྡོ་རྗེ་སེམས་དཔའ
164a3 ཉོན།། ཨ་ནུ་ཡོ་གའི་དབྱེ་བ་ནི།། ཀུན་གཞི་མཁའ་ཀློང་གཞི་བྱས་ཏེ།། སྣང་བ་ཀུན་བཟང་རོལ་པར་འཁྲུལ།། ཡོད་མིན་མེད་མིན་སྐྱེ་མཆེད་ལྟུང་།། མཁའ་ཀློང་དབུ་མ་ཆད་དང་འདྲ།། ལ་ཟློ་ཆོས་ཀྱི་དབྱིངས་ཉིད
164a4 ཡིན།། དེ་ཡང་འདུས་པའི་སྙིང་པོ་ཉོན།། དེ་དག་རྒྱུད་ལུང་རྣམ་གཉིས་ཀྱང་།། རང་བཞིན་ལུས་བཞིན་འཁྲུལ་པའི་ཕྱིར།། ཉི་མ་སྤྲིན་གྱིས་བསྒྲིབས་དང་འདྲ།། སྣང་བ་ལྷར་བསྒོམས་ཆོས་སྐུ་བསྒྲིབས།། རྫོགས་པ
164a5 ཆེན་པོ་ངེས་དོན་འདུས་པའི་ཡང་སྙིང་། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད། རིན་པོ་ཆེ་གསེར་གྱི་ཡང་ཞུན་ལས། རྒྱུད་ལུང་འཁྲུལ་ཚུལ་བསྟན་པའི་ལེའུ་སྟེ་བཅུ་པའོ།། །། དེ་ནས་རྡོ་རྗེ་སེམས་དཔའ
164a6 ཡིས།། ཀུན་རིག་སྟོན་པ་ཆོས་རྗེ་ལ།། བདེན་པའི་དགོངས་དོན་འདི་སྐད་གསོལ།། རྫོགས་ཆེན་སྤྱི་དང་ཁ་འབྱམས་དང་།། ཀུན་བརྟགས་ལྷ་དང་ཚིག་ཟིན་གྱིས།། འཁྲུལ་པའི་དབྱེ་བའི་རིམ་པ་ནི།། ཀུན་རིག་སྟོན
iiif viewer powered by OpenSeadragon
