| e-texts navigator |
| Wylie |
163b1 མཆེད་ལྟུང་།། ཆད་དང་ཁྱད་མེད་སྟོང་པར་གོལ།། སྟོང་ཤེས་རང་བྱུང་ཆོས་སྐུ་ཡིན།། དེ་ཡང་འདུས་པའི་སྙིང་པོ་ཉོན།། དེ་དག་མཚན་ཉིད་ཐེག་པ་གསུམ།། ཕྱོགས་ཙམ་རྟོགས་ཀྱང་གཞི་མི་ཤེས།། དེ་ཕྱིར་ངེས་དོན
163b2 མི་མཐོང་བས།། ཚིག་ཏུ་བརྟེན་ཏེ་དོན་ལས་གོལ། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། རྒྱུ་མཚན་ཉིད་ཀྱི་འཁྲུལ་ཚུལ་བསྟན་པའི་ལེའུ་སྟེ་བརྒྱད་པའོ།། །། ཀུན་རིག་སྟོན་པས་ཡང་གསུངས་པ།། ཕྱི་བ
163b3 ཀྲི་ཡོག་རྣམ་གསུམ་གྱིས།། དབྱེ་བའི་རྣམ་གྲངས་ངས་བཤད་ཀྱིས།། དད་ལྡན་འཁོར་རྣམས་ལེགས་པར་ཉོན།། ནམ་མཁའ་སྨིག་རྒྱུའི་དཔེ་བཞིན་དུ།། དག་པ་ཆོས་ཉིད་ཀྲི་ཡའི་གཞི།། བཟང་ངན་གཙང་སྨེ་དངོས
163b4 གྲུབ་རེ།། གྲུབ་པ་མ་ཐོབ་བྱོལ་སོང་རྒྱུ།། གཙང་སྒྲས་མི་གྲོལ་རྟོག་པ་ཉིད།། སྤྱོད་པ་མ་ཡིན་གཞི་དག་སྐུ།། དེ་ཡང་རྡོ་རྗེ་སེམས་དཔའ་ཉོན།། ཡོ་ག་རྣལ་འབྱོར་སེམས་དཔའ་ཡི།། དབྱེར་མེད་ཆོས་དབྱིངས་གཞི་བྱས
163b5 ཏེ།། བྱང་ཆུབ་རྣམ་ལྔ་མཉམ་པར་འདོད།། བསྒོམ་ཀྱང་མི་གྲོལ་འདོད་ཁམས་ལྷ།། སེམས་ཙམ་པ་དང་ཁྱད་མེད་གོལ།། ལ་བཟླ་རིག་པ་ཆོས་སྐུར་ཤེས།། དེ་ཡང་རྡོ་རྗེ་སེམས་དཔའ་ཉོན།། དེ་དག་ཡོ་ག་རྣམ་གསུམ
163b6 ཀྱང་།། གཞི་ཉིད་མ་ཤེས་བློས་བསྒྱུར་ཕྱིར།། ནམ་མཁའ་དག་ལ་འཛིན་པ་འདྲ།། དོན་ལ་འཁྲུལ་པར་ཐེ་ཚོམ་མེད། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། ཕྱིའི་འཁྲུལ་ཚུལ་བསྟན་པའི་ལེའུ་སྟེ་དགུ་པའོ།། །
iiif viewer powered by OpenSeadragon
