| e-texts navigator |
| Wylie |
163a1 ཉིད་དོན་ཤེས་ལ་ཟླའོ།། དེ་ཡང་འཁོར་གྱི་སྙིང་པོ་ཉོན།། མུ་སྟེགས་ཆད་པའི་དབྱེ་བ་ནི།། ཁ་དོག་དབྱིབས་མེད་ཆད་གཞི་བྱས།། སྔ་ཕྱི་རྒྱུ་འབྲས་མེད་པར་འཁྲུལ།། སླར་བཏབ་དམྱལ་བ་ཆེན་པོར
163a2 ལྟུང་།། ཆད་དུ་མིན་སྟེ་རིག་པར་ཡོད།། དེ་ཕྱིར་གཞི་ལ་གོལ་མེད་པས།། རང་བྱུང་ཡེ་ཤེས་ཀློང་ན་གནས།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། མུ་སྟེགས་འཁྲུལ་ཚུལ་བསྟན་པའི་ལེའུ་སྟེ་བདུན
163a3 པའོ།། །། ཀུན་རིག་སྟོན་པས་ཡང་གསུངས་པ།། གཞི་ནི་མེ་ལོང་ལྟ་བུ་ལ།། གཟུགས་བརྙན་ཐེག་པ་རིམ་དགུ་བྱུང་།། ཕྱོགས་ཙམ་འཁྲུལ་ཚུལ་ངས་བཤད་ཉོན།། མཚན་ཉིད་ཐེག་པ་རྣམ་གསུམ་གྱི།། ཉན་ཐོས
163a4 རང་རྒྱལ་མདོ་སྡེ་ཡི།། དབྱེ་བའི་རྣམ་གྲངས་མདོར་བསྟན་པ།། སྣང་བའི་ཕྲ་རགས་ཡུལ་གྱི་གཞི།། གང་ཟག་བདག་མེད་ཆོས་བདག་ཡོད།། ཞི་བ་ཕྱོགས་གཅིག་ཐར་མི་ཐོབ།། ལྷག་མཐོང་མེད་ཕྱིར་སྐྱེ་བོ་རང་།།
163a5 དོན་རྟོགས་ཡུལ་འདི་ཆོས་ཀྱི་དབྱིངས།། དེ་ཡང་རྡོ་རྗེ་སེམས་དཔའ་ཉོན།། སེམས་ཙམ་ཀུན་གཞི་རྟོགས་པ་ཡི།། གོང་འོག་ཤེས་པ་སྐད་ཅིག་འདོད།། རིག་པ་རང་རྐྱང་གྲངས་ཅན་གོལ།། རྟག་དང་ཁྱད་མེད་སྒྲོ
163a6 འདོགས་ནོར།། ཆོས་སྐུ་རིག་པ་འགྱུར་བ་མེད།། དེ་ཡང་རྡོ་རྗེ་སེམས་དཔའ་ཉོན།། དབུ་མ་པ་ཡི་འདོད་གཞུང་དེ།། ངོ་བོ་དངོས་མེད་གཞི་བྱས་ཏེ།། ཡུལ་སེམས་གཞིག་པས་སྟོང་པར་འཁྲུལ།། ཅི་ཡང་མེད་པའི་སྐྱེ
iiif viewer powered by OpenSeadragon
