| e-texts navigator |
| Wylie |
161b1 སྤྱད་འཆི་དུས་འབྱུང་།། དེ་ཚེ་འབྱུང་བ་རིམ་ཐིམ་ནས།། དབུགས་ཟུམ་བྱེད་ཅིང་གནད་གཅད་དེ།། ཞེན་པའི་དབང་གིས་ཁ་ཆེམས་འབོར།། འཁོར་བའི་སྡུག་བསྔལ་བསམ་མི་ཁྱབ།། ཀུན་ཏུ་བཟང་པོ་ཡེ་ཤེས་ཀློང་གི
161b2 རྒྱུད་ལས། འཆི་ལྟས་བསྟན་པའི་ལེའུ་སྟེ་བཞི་པའོ།། །། དེ་ཡང་རྡོ་རྗེ་སེམས་དཔའ་ཉོན།། དེའི་ཚེ་འཆི་བའི་དུས་བྱུང་ཚེ།། འདི་ནུབ་ཕྱི་མ་མུན་ལྟར་འབྱུང་།། སྣང་བ་མཆེད་དང་བསྐྱེད་པ་ཡི།། མ་བཅོས་དོན
161b3 དེ་ཡོད་གྱུར་ཀྱང་།། མ་རིག་བསྒྲིབས་པར་ལྟུང་བའི་ཕྱིར།། གསོན་གཤིན་ས་མཚམས་དེ་ལ་བྱ།། དེ་ཡང་སྲིད་པ་བར་དོ་ལ།། གཞི་གནས་འཕྲལ་བྱུང་བག་ཆགས་ཀྱིས།། རས་དཀར་ལ་ནི་སྣུམ་བཞིན་ལྟར།། གཞི
161b4 གནས་མ་རིག་བག་ཆགས་གོས།། མ་རིག་རྐྱེན་སླ་ཁ་བྲོད་དང་།། རྩོམ་པ་རྗེས་འཇུག་ཉོན་མོངས་པ།། སྔ་ཕྱིའི་གོལ་ས་ཡིན་པའི་ཕྱིར།། དང་པོར་ཤན་མ་ཕྱེད་པས་གོལ།། དེ་ཡང་འདུས་པའི་སྙིང་པོ་ཉོན།། སྲིད་པ
161b5 དག་གི་བར་དོ་ལ།། ཞག་གསུམ་ལོན་ནས་བག་ཆགས་ལུས།། སྔོན་གྱི་དྲན་པ་སྣ་ཚོགས་འབྱུང་།། ཀུན་རྫོབ་རྒྱུ་འབྲས་མི་བསླུ་ཞེས།། ཡང་ནི་ཡིད་ཀྱི་ལུས་སྣང་འགྱུར།། ཀུན་ཚང་ཐོགས་མེད་སྣ་ཚོགས་སེམས།།
161b6 རང་གི་ཤེས་པས་ས་མ་ཟིན།། དེ་ཕྱིར་ཡིད་ནི་ལུང་མ་བསྟན།། ཡང་འགྱུར་གནས་ངན་ལུས་ལེན་ཕྱིར།། ཁྱིམ་སོགས་གང་རུང་མངལ་དུ་འཇུག། རྗེས་དྲན་ཡོན་ཏན་མེད་པའི་ཕྱིར།། ཆགས་སྡང་སྐྱེས་ནས་འཁོར
iiif viewer powered by OpenSeadragon
