| e-texts navigator |
| Wylie |
161a1 པའི་སྙིང་པོ་ཉོན།། རང་བཞིན་ངོ་བོའི་ལུས་དང་ནི།། ཤེས་གཞི་ལུང་མ་བསྟན་པ་གཉིས།། གནས་སྐབས་འབྲེལ་ཡོད་མཐར་ཟུག་མེད།། ཡེངས་དང་མ་ཡེངས་ཆ་མེད་པའི།། ཧད་དེ་བུན་ནེ་ཙམ་དུ
161a2 གནས།། རང་བྱུང་རྣམ་ཤེས་རྐྱེན་དབང་འགྱུར།། དེ་ཕྱིར་ལུང་མ་བསྟན་ཞེས་བྱ།། གཞི་ནི་དྲན་དང་མ་དྲན་གྱི།། བློ་མི་འཇུག་པས་དོན་མི་ཤེས།། མ་རིག་གཞི་ནི་ལུང་མ་བསྟན།། དེ་ཕྱིར་འཁོར་བའི་གཞི་ཞེས་བྱ།།
161a3 ཡིད་བྱུང་རིམ་འགྲིབས་ལོག་པའི་རྒྱུ།། གྱ་གྱུ་ཙམ་དུ་དྲན་ཡོད་ཀྱང་།། དོན་དུ་མ་ཤེས་དེ་ཁོ་ན།། མ་རིག་སྐྱེ་བའི་གཞི་བྱེད་ཕྱིར།། དང་པོ་འཁོར་བ་དེ་ལས་བྱུང་།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས།།
161a4 འཁོར་བའི་ཤེས་གཞི་ལུང་མ་བསྟན་པའི་ལེའུ་སྟེ་གསུམ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་ཆོས་ཀྱི་རྒྱལ་པོ་ཡིས།། འགྲོ་དྲུག་འཁྲུལ་ཚུལ་བཀའ་སྩལ་པ།། དང་པོ་འཁོར་འདས་པར་དོ
161a5 ལ།། ཤེས་གཞི་ལུང་མ་བསྟན་པ་ལ།། མ་རིག་ལྷན་ཅིག་རྣམ་གསུམ་གྱི།། རྒྱུ་དང་དེ་མ་ཟག་འཛོམ་ནས།། སེམས་ཀྱི་ཀུན་གཞི་སྨིན་པ་བྱུང་།། དེ་ལས་ཀུན་བརྟག་རྣམ་གསུམ་གྱིས།། དམིགས་པ་བདག་པོའི་རྐྱེན
161a6 གཉིས་ཀྱིས།། བག་ཆགས་ལུས་ཀྱི་ཀུན་གཞི་བྱུང་།། གཉིས་པ་བག་ཆགས་ལྔ་རུ་སྨིན།། དེ་ཡང་འདུས་པའི་སྙིང་པོ་ཉོན།། འཁྲུལ་གཞི་ལ་སོགས་རྣམ་དགུ་ཡིས།། དེ་འཁྲུལ་མ་བཟློག་ཉེས་པ་ནི།། གཡེང་བའི་ལས
iiif viewer powered by OpenSeadragon
