| e-texts navigator |
| Wylie |
160b1 བདུན།། ཁ་གསེར་ཁ་གཡུ་བེར་ཆེན་སོགས།། སེར་སྣ་མེད་པར་འབུལ་ནུས་ན།། ཚེགས་མེད་དོན་གོ་བསྟན་པར་བྱ།། དེ་དག་མི་ལྡན་ཁ་གསག་ཅན།། སློབ་དཔོན་མཆེད་ཀྱི་སྤྱོད་རྩིང་ལ།། ཡ་མཚན་ཆེ་ནས་ཕྱར་ཁ
160b2 གཏོང་།། ཐབས་ཀྱིས་སྨོད་པ་སྣ་ཚོགས་བྱེད།། བཀའ་རྐུན་བྱས་ནས་ཀུན་ལ་སྤེལ།། ང་ལས་ལྷག་པ་གཞན་ན་མེད།། བཀའ་བརྐུ་བཅོས་ཤིང་ཟས་ནོར་འཚོལ།། དེ་ནི་དམྱལ་བ་ཆེན་པོར་ལྟུང་།། འདི་ལ་ངོ་ཚ་ཁྲེལ
160b3 རྣམས་ཤོར།། རང་གིས་རང་བསླུས་སྣོད་ངན་ལ།། ནམ་ཡང་བསྟན་པར་མི་བྱའོ།། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལས། སྣོད་བཅུད་བསྟན་པའི་ལེའུ་སྟེ་གཉིས་པའོ།། །། དེ་ནས་རྡོ་རྗེ་སེམས་དཔའ
160b4 ཡིས།། འདུས་པའི་འཁོར་ལ་ཕན་གདགས་ཕྱིར།། ཀུན་རིག་ཆོས་ཀྱི་རྒྱལ་པོ་ལ།། ངེས་པའི་དགོངས་དོན་འདི་སྐད་གསོལ།། ཆོས་ཀུན་འབྱུང་བའི་གཞི་གསུམ་གྱི།། འཁོར་བའི་གཞི་ནི་གང་གིས་བགྱི།། དེ་ལྟར་འགྲོ།
160b5 དྲུག་ཇི་ལྟར་འཁྲུལ།། དོན་གྱི་དབྱེ་བ་བཤད་དུ་གསོལ།། དེ་སྐད་ཞུས་པའི་དོན་གསན་ནས།། ཀུན་རིག་རྒྱལ་པོས་བཀའ་སྩལ་པ།། ངེས་དོན་དབྱེ་བ་ངས་བཤད་ཀྱིས།། དད་ལྡན་འཁོར་རྣམས་ད་ཉོན་ཅིག། འཁོར
160b6 གཞི་ཤེས་པ་ལུང་མ་བསྟན།། རང་བཞིན་ལུས་ཀྱི་རྩལ་སྣང་བ།། གང་ལ་མི་རྟོག་དོན་ཤེས་ཟིན།། ཤེས་པ་རང་སྣང་དྲི་མས་འཆོལ།། མ་རིག་རྒྱུ་ནི་ངེས་མེད་ཕྱིར།། ཤེས་གཞི་ལུང་མ་བསྟན་ཞེས་བྱ།། དེ་ཡང་འདུས
iiif viewer powered by OpenSeadragon
