| e-texts navigator |
| Wylie |
160a1 པར་ལས།། དོན་ལ་དབྱེར་མེད་ངོ་བོ་གཅིག། རྫོགས་པ་ཆེན་པོ་ངེས་དོན་ཐམས་ཅད་འདུས་པའི་ཡང་སྙིང་། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད། རིན་པོ་ཆེ་གསེར་གྱི་ཡང་ཞུན་ལས། ངེས་དོན
160a2 འབྱུང་བའི་རྒྱུ་གླེང་གཞི་བསྟན་པའི་ལེའུ་སྟེ་དང་པོའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སེམས་ཀྱི་རྒྱལ་པོ་ཡིས།། སྣོད་བཅུད་རིམ་པ་ངས་བསྟན་གྱིས།། འདུས་པའི་འཁོར་རྣམས་ཡིད་ཀྱིས
160a3 ཉོན།། དེ་བསྟན་སྣོད་འཛོམ་ཤིན་ཏུ་དཀའ།། དེ་ཕྱིར་ངེས་ལུང་བཅུད་ལྡན་ནི།། ཨུ་དུམ་ཝ་རའི་མེ་ཏོག་བཞིན།། འཇིག་རྟེན་འདི་ན་ཤིན་ཏུ་དཀོན།། དེ་ཡང་རྡོ་རྗེ་སེམས་དཔའ་ཉོན།། དབང་གཉིས་རིམ་པར་རྫོགས
160a4 པ་ཡི།། དམ་པའི་ཆོས་ཀུན་མ་འདྲེས་པ།། ཀུན་མཁྱེན་སྲིད་པར་ཟད་མེད་པའི།། ལུང་ལྡན་གདམས་ངག་དག་ཏུ་ལྡན།། སྣོད་རྟོགས་ཕྱིར་ན་ནོར་འདོད་ཀྱང་།། སངས་རྒྱས་དགོངས་པ་གདེང་ལྡན་ལ།། ཚུལ་ཆོས་མེད
160a5 པར་སྙིང་རྗེ་ཆེ།། འཇམ་ཞིང་དུལ་ལ་ངེས་དོན་ཞུ།། སྣོད་ལྡན་དད་པ་བརྩོན་འགྲུས་ཀྱིས།། སྨིན་པར་བྱེད་པའི་དབང་མནོས་ནས།། དམ་ཚིག་ལྡན་པ་ཆོས་འདོད་ཕྱིར།། གསང་ཐུབ་སྒྲོ་རིང་གཏོང་ཕོད་ཅན།། གཞན
160a6 ལ་མི་སྤེལ་ཕྱི་ཟག་རིང་།། སྤྲོ་བ་བྱས་ཀྱང་མངན་རྣམས་ཐེག། ཁོན་དུ་མི་འཛིན་གཞུང་རྣམས་འཛིན།། གདམས་ངག་བསྟན་པའི་སྣོད་དུ་གསུངས།། གསང་སྔགས་དོན་ཟབ་ངེས་པའི་དོན།། རྟ་དང་གླང་པོ་རིན་ཆེན
iiif viewer powered by OpenSeadragon
