| e-texts navigator |
| Wylie |
15b1 བཟང་ངན་ལྷར་གྱུར་བསྒོམ།། བཟང་ངན་འབྱུང་ཕྱིར་མ་ཧཱ་འཁྲུལ།། དེ་ཡང་བློ་གྲོས་དམ་པས་ཉོན།། རང་བྱུང་ངོ་བོ་ཉིད་ཀྱི་སྐུ།། སྐྱེ་མེད་མཁའ་ཀློང་སྟོང་པ་ལས།། སྣང་བ་ཀུན་བཟང་རོལ་པར་འདོད།། གཉིས་མེད
15b2 བདེ་ཆེན་སྲས་སུ་བསྒོམ།། རྩོལ་བས་བསྒོམ་ཕྱིར་ཨ་ནུ་འཁྲུལ།། དོན་དམ་ཀུན་རྫོབ་གཉིས་ཀའི་ཆོས།། མཐའ་དབུས་མེད་པའི་དབུ་མ་དང་།། ཁྱད་མེད་རྒྱུད་ལུང་དོན་མ་རིག། དེ་ཕྱིར་རྒྱུད་ལུང་ལྟ་བ་གོལ།། དེ་ཡང
15b3 འདུས་པའི་སྙིང་པོ་ཉོན།། རྒྱུད་ལུང་རྣལ་འབྱོར་ཆེན་པོ་ལས།། ང་ཚོལ་པས་འཁོར་ང་མི་རྙེད།། ང་མ་རྙེད་པས་སྣང་བ་འཆོལ།། དེ་ཕྱིར་ང་ཉིད་རྟོགས་མི་འགྱུར།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ
15b4 ཀློང་ཡངས་ཀྱི་རྒྱུད་ལས། བསྐྱེད་རྫོགས་རྣམ་གཉིས་ཀྱི་འཁྲུལ་ཚུལ་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་འདུས་པའི་ཚོགས་རྣམས་ལ། ཀུན་རིག་རྒྱལ་པོས་བཀའ་སྩལ་པ།། དོན་གྱི་གནས
15b5 ལུགས་ངོ་བོ་ནི།། འཁོར་འདས་པར་དོར་མ་ཤེས་པར།། གང་བསྒོམས་མ་རིག་རྨོངས་པས་གོལ།། རང་སེམས་མ་རྟོགས་རྩོལ་བ་སྟེ།། ཡུལ་གྱི་འབྱུང་བར་སེམས་བསྡུས་ནས།། གསལ་སྟོང་མཉམ་བཞག་དོན་ཚོལ
15b6 བ།། དུག་ལྔ་བསྒོམས་པའི་གང་ཟག་དེ།། བྱིང་རྒོད་ཕྲག་དོག་བྱ་ར་མཁན།། ལྟ་བར་མ་ཤེས་གཏི་མུག་སྟེ།། གསལ་ལ་མི་རྟོགས་འདོད་ཆགས་བསྒོམས།། དེ་ལ་ཞེན་པའི་ང་རྒྱལ་ཅན།། ཉོན་མོངས་སྤོང་བའི་ཞེ་སྡང
iiif viewer powered by OpenSeadragon
