| e-texts navigator |
| Wylie |
15a1 འབྱུང་།། དངོས་གྲུབ་གཞན་ལ་རེ་ཕྱིར་འཁྲུལ།། དེ་ཡང་འཁོར་གྱི་སྙིང་པོ་ཉོན།། རྗེ་འབངས་ཚུལ་དུ་སྤྱོད་པའི་ཕྱིར།། གཙང་སྦྲ་སྤྱོད་པའི་བྲམ་ཟེ་དང་།། ཚིག་ལ་ཁྱད་ཡོད་དོན་ལ་མེད།། དེ་ཕྱིར་དག
15a2 བྱེད་ཀྲི་ཡ་གོལ།། གཞི་ལ་གཉིས་མེད་ངོ་བོ་ལ།། ལྟ་སྤྱོད་གོང་འོག་གཉིས་འདོད་པས།། ལྟ་སྤྱོད་ཡ་ཆ་བདུད་ཀྱི་ལས།། ལྟ་བས་ཁྱད་པར་འཕགས་འདོད་འཁྲུལ།། དེ་ཡང་རྡོ་རྗེ་སེམས་དཔའ་ཉོན།། ཡུལ་དང་མ
15a3 འབྲེལ་ངོ་བོ་ལས།། དབྱེར་མེད་ཆོས་དབྱིངས་འདོད་པ་དེ།། སྤུན་གྲོགས་ཚུལ་དུ་མཉམ་ཟེར་ནས།། ཏིང་འཛིན་གཙོར་བྱེད་ཐ་དད་འཁྲུལ།། དེ་ཡང་འདུས་པའི་སྙིང་པོ་ཉོན། ཀུན་རྫོབ་ཡིག་འབྲུ་ལྷར་བསྐྱེད
15a4 འདོད།། དོན་དམ་མ་གྲུབ་ཟེར་བ་དེ།། ཀྲི་ཡོག་རྣམ་གསུམ་ལྟ་བ་སྟེ།། མཚན་ཉིད་ལྟ་བ་རྣམ་པ་གཉིས།། ཚིག་ལ་ཁྱད་ཡོད་དོན་ལ་མེད།། དེ་ཕྱིར་ཀྲི་ཡོག་དོན་ལ་གོལ།། ཡོ་ག་མན་ཆད་ང་ཡི་གཏམ།། ཇི་སྙེད་བརྗོད
15a5 ས་ང་མི་རྙེད།། སྣང་བ་ལྷ་རུ་འདོད་པའི་ཕྱིར།། མཚན་མ་རགས་ཕྱིར་ང་མི་རྟོགས།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློངས་ཡངས་ཀྱི་རྒྱུད་ལས། ཕྱི་རྒྱུད་རྣམ་གསུམ་གྱི་འཁྲུལ་ཚུལ་བསྟན་པའི
15a6 ལེའུ་སྟེ་བཅུ་གཅིག་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ་པོས་བཀའ་སྩལ་པ།། འཁོར་འདས་མ་རིག་ཆོས་སྐུ་ལ།། ཡུལ་སེམས་སྣང་སྟོང་དབྱེར་མེད་འདོད།། རྟོག་ཚོགས
iiif viewer powered by OpenSeadragon
