| e-texts navigator |
| Wylie |
159a1 གསུམ་བྱུང་ནས་ནི།། ངེས་དོན་ལྡེམ་དགོངས་དྲང་དོན་བཤད།། དེ་ཡང་རྡོ་རྗེ་སེམས་དཔའ་ཉོན།། ཆོས་སྐུ་ངེས་དོན་གསུངས་པ་ནི།། རང་བྱུང་ངོ་བོ་ཉིད་ཀྱི་སྐུ།། ཚིག་དང་ཡི་གེ་བརྗོད་ལས་འདས།།
159a2 ངེས་དོན་ཡེ་ཤེས་ཟུགས་ལ་གསལ།། དྲང་སྲོང་མངོན་ཤེས་དཔེ་བཞིན་དུ།། དུས་གསུམ་སངས་རྒྱས་འཁོར་བཅས་ལ།། མཉམ་པར་བཞག་པའི་ཡིད་ཀྱི་གོ། ངེས་དོན་རྟོགས་ཕྱིར་ཡང་སངས་རྒྱས།། དེ་ནས་སྟོན
159a3 པ་ཀུན་བཟང་གིས།། རྒྱུད་དག་རྡོ་རྗེ་སེམས་དཔའ་ལ།། དོན་གྱི་རང་བྱུང་གནས་ཆེན་དུ།། ཚིག་ཏུ་མ་བསྟན་ཡིད་ཀྱི་གོ།། བྱིན་གྱི་རླབས་ཀྱིས་བཤད་ཅེས་བྱ།། དེ་ཡང་རྡོ་རྗེ་སེམས་དཔའ་ཉོན།། ལོངས་སྐུ་རྡོ་རྗེ
159a4 སེམས་དཔའ་ཡིས།། གཙང་རིས་ལྷ་ཡི་གནས་ཆེན་དུ།། རིག་འཛིན་འཁོར་ལ་བརྩེར་དགོངས་ཏེ།། རིག་འཛིན་ཀུན་དགའ་ལྷ་དབང་ལ།། དབང་བསྐུར་བཀའ་དྲང་རྒྱུད་སྨིན་བྱས།། ལྡེམ་དགོངས་ངེས་དོན་ངོ་བོ
159a5 བཤད།། དེ་ཚེ་རིག་འཛིན་སེམས་དག་དེས།། མོས་གུས་དད་པས་རྩེ་གཅིག་ཏུ།། ཕྱོགས་བཅུའི་འདུས་པའི་སངས་རྒྱས་ལ།། ཞུ་བ་ཞུས་ཅིང་ཐེ་ཚོམ་བཅད།། དེ་ཡི་ངེས་པའི་འབྲས་བུ་ནི།། ཆོས་སྐུ་རིག་པའི་དོན
159a6 མཐོང་ལ།། རྟོགས་པ་མངོན་གྱུར་སངས་རྒྱས་ཕྱིར།། ད་ལྟ་ཉིད་དུ་ཐམས་ཅད་མཁྱེན།། ཡང་ནི་རིག་འཛིན་སེམས་དག་ངེས།། སྔོན་གྱི་མངོན་དགའི་ཕུག་སུ་ཕྱིན།། ནང་དུ་མཉམ་བཞག་འབྲལ་མེད་བཅིངས།། དོན
iiif viewer powered by OpenSeadragon
