| e-texts navigator |
| Wylie |
158b1 ལ་ནི་ལྕགས་འདུ་བཞིན།། བྱིན་རླབས་དབང་ཆེད་དད་པས་ནི།། འདུས་པ་རྣམ་བཞི་འདུས་ཤིང་བསྐོར།། ཉིད་ལས་མི་གཞན་སངས་རྒྱས་དང་།། རྡོ་རྗེ་འཆང་གི་རིག་འཛིན་དང་།། རྒྱལ་སྲས་སྤྲུལ་པའི་མགོན་པོ
158b2 དང་།། དམ་ཅན་མཁའ་འགྲོ་སྡེ་ལྔ་དང་།། དད་ཉན་ལྷ་མི་ལས་ཅན་ཀུན།། ལས་དང་ཐུགས་རྗེར་འཛོམ་ནས་འཁོད།། དེ་སྐད་ཞུས་པའི་དོན་གསན་ནས།། ཀུན་རིག་ཆོས་ཀྱི་རྒྱལ་པོ་དེས།། མཉམ་པའི་དོན་ལ་རབ
158b3 ཞུགས་ནས།། འདུས་པའི་འཁོར་ལ་བཀའ་སྩལ་པ།། ངེས་དོན་གནས་ལུགས་སྙིང་པོ་ནི།། འཁོར་འདས་འབྱུང་བས་མ་རེག་ཕྱིར།། མཛད་དང་སྤྱོད་པའི་རྒྱུད་མ་བསྐྱོད།། རང་བྱུང་གཞི་ཡི་སྙིང་པོ་ཡིན།། དེ་ཡང
158b4 འདུས་པའི་སྙིང་པོ་ཉོན།། རིག་འཛིན་སྤྲུལ་པས་བསྐུལ་པ་ཡི།། སེམས་དག་ལྷ་དབང་རིག་འཛིན་དེས།། རྨི་ལམ་རྣམ་གསུམ་བརྡ་ཤེས་ནས།། མངོན་དགའི་ཕུག་ནས་ཚིག་གིས་བསྐུལ།། སངས་རྒྱས་བཀའ་རྣམས
158b5 བགྲོས་པའི་མདོ།། དེ་གཞི་ངེས་དོན་ཆོས་དྲུག་གིས།། སངས་རྒྱས་ཀུན་ཏུ་བཟང་པོ་བྱུང་།། ང་ཡིས་ང་ཉིད་བགྲོ་བ་ལས།། སངས་རྒྱས་གཞན་གྱིས་བགྲོ་མི་ནུས།། ཀུན་བཟང་ང་ཡི་སྒྲོན་མ་ཡི།། ཐོག་མའི་བྱུང་ཚུལ
158b6 སུས་ཤེས་པ།། མ་རིག་མུན་པ་རྩད་ནས་སེལ།། ཆོས་རྣམས་ཀུན་གྱི་སྒྲོན་མེའི་མཆོག། སྐུ་གསུམ་ཆོས་རྣམས་གསུངས་པ་ནི།། ཀུན་བཟང་ང་ཡི་བྱིན་རླབས་ཀྱིས།། སྐུ་གསུང་ཐུགས་ཀྱི་ཡོན་ཏན་ལས།། སྤྲུལ་པ་རྣམ
iiif viewer powered by OpenSeadragon
