| e-texts navigator |
| Wylie |
158a1 རིག་པའི་གསུང་གསང་བ་ཐུགས་ཀྱི་ཏིང་ངེ་འཛིན་རང་བྱུང་བདེ་བའི་འཁོར་ལོ་མཐར་ཕྱིན་འབྲས་བུའི་རྒྱུད་ཅེས་བྱ་བ། གསེར་གྱི་དྲིལ་ཤིང་ཅན་འདི། རྒྱ་གར་མཁན་པོ་བི་མ་ལ་མི་ཏྲ་དང་། བོད་ཀྱི
158a2 ལོཙྪ་བ་ཨཱ་ཙརྱ་དྲན་པའི་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །། རྒྱ་གར་སྐད་དུ། སནྣི་མ་ཧ་ནི་ཡཱ་མཱརྠ་ས་མ་དཱ་ཡཱ་ཏི་གརྦྷ་ས་མནྟ་བྷ་དྲ་ཛྙཱ་ན་ཨཱ་བརྡྷ་ཏནྟ་རཏྣ་སྭརྞྞ་ཏི་ཤྲྀ་ཏ་ནཱ་མ། བོད་སྐད་དུ།
158a3 རྫོགས་པ་ཆེན་པོ་ངེས་དོན་འདུས་པའི་ཡང་སྙིང་། ཀུན་ཏུ་བཟང་པོ་ཡེ་ཤེས་ཀློང་གི་རྒྱུད། རིན་པོ་ཆེ་གསེར་གྱི་ཡང་ཞུན་ཞེས་བྱ་བ། བཅོམ་ལྡན་འདས་མཉམ་པ་ཉིད་ཀྱི་རྒྱལ་པོ། དཔལ་གྱི་དཔལ་ཀུན་ཏུ་བཟང་པོ
158a4 ལ་ཕྱག་འཚལ་ལོ།། འདི་སྐད་གསུངས་པའི་དུས་གཅིག་ན།། ཀུན་རིག་ཆོས་ཀྱི་རྒྱལ་པོ་དེ།། འོག་མིན་ཆོས་དབྱིངས་གནས་ཀྱི་མཆོག། ངེས་པའི་དོན་ལ་རབ་བཞུགས་ཏེ།། འཁོར་རྣམས་འདུས་ནས་རབ་ཏུ་འཁོད།།
158a5 དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན་གདགས་ཕྱིར།། ཀུན་རིག་ཆོས་ཀྱི་རྗེ་ལ་ནི།། རིག་པའི་ཡིད་ཀྱིས་འདི་སྐད་གསོལ།། ངེས་དོན་གནས་ལུགས་སྙིང་པོའི་དོན།། རིག་འཛིན་སྤྲུལ་པས
158a6 བསྐུལ་པ་ཡི།། སངས་རྒྱས་བཀའ་རྣམས་བགྲོས་པའི་མདོ།། མ་རིག་མུན་པ་བསལ་བའི་ཕྱིར།། སྐུ་གསུམ་ཆོས་རྣམས་ཇི་ལྟར་གསུངས།། སྣོད་ཀྱི་རིམ་པ་གང་ལ་བསྟན།། དེ་སྐད་ཅེས་ནི་གསུང་མ་ཐག། ཁབ་ལེན
iiif viewer powered by OpenSeadragon
