| e-texts navigator |
| Wylie |
157b1 བའི་གནས།། ཡིད་དུ་མི་འོང་རྐྱེན་རྣམས་འབྱུང་།། དེ་ཡང་རྡོ་རྗེ་སེམས་དཔའ་ཉོན།། སྣོད་དང་མི་ལྡན་མི་ངན་ནི།། ཚུལ་འཆོས་བྱེད་ཅིང་སློབ་དཔོན་སྨོད།། ནོར་ཕོངས་ཆོས་འདོད་ཐབས་ཀྱིས་བསླུ།། དེ་འདྲའི་སྣོད
157b2 ངན་གང་ལ་ཡང་།། ཡེ་ཤེས་བལྟ་བའི་རྒྱུད་ཆེན་འདི།། ནམ་ཡང་བསྟན་པར་མ་གསུངས་སོ།། དེ་ཡང་འདུས་པའི་སྙིང་པོ་ཉོན།། བསྟན་པ་འཇིག་པའི་དུས་དེར་ནི།། རྫོགས་ཆེན་ཡང་སྙིང་བསྟན་པ་འབྱུང་།། དེ་ཚེ
157b3 སྣོད་ལྡན་འབྱུང་སྲིད་ན།། ངེས་དོན་མ་ནོར་རྒྱུད་འདི་གཏོད།། དེ་ལྟར་མ་བྱས་ཡང་སྙིང་འདི།། ནོར་འདོད་ཕྱིར་ནི་འདི་སྤེལ་ན།། སངས་རྒྱས་བཀའ་ཆད་འབྱུང་ངེས་པས།། མཁའ་འགྲོ་ཆོས་སྐྱོང་དགྲར་ལངས་ནས།།
157b4 སྲིན་མོས་སྲོག་བཅད་མནར་མེད་ལྟུང་།། དེ་ཡང་འཁོར་རྣམས་ཡང་ཉོན་ཅིག། གལ་ཏེ་དད་ལྡན་སྣོད་རྙེད་ན།། འཇིག་རྟེན་ཟས་ནོར་ཕངས་མེད་པ།། ཡིད་འཐད་ཕུལ་ན་ངེས་དོན་འདི།། གཞན་ལ་མི་སྤེལ་མནའ
157b5 བོར་ལ།། སྤང་སྐྱིལ་མི་བྱ་ལྷུག་པར་གཏད།། སྣོད་ལྡན་མ་ཕྲད་དུས་ཉེན།། ཆོས་སྐྱོང་ཡོད་པའི་ལྷ་ཁང་ངམ།། ལྷ་འདྲེ་ཡོད་པའི་བྲག་དཀྱིལ་དུ།། སྨོན་ལམ་བཏབ་ལ་སྦས་ལ་བཞག། རྫོགས་པ་ཆེན་པོ་དོན་འདུས
157b6 རང་བྱུང་བདེ་བའི་འཁོར་ལོའི་རྒྱུད་ལས། ཐ་མ་རྒྱུད་གཏད་པའི་ལེའུ་སྟེ་དྲུག་ཅུ་རྩ་བདུན་པའོ།། །། རྫོགས་པ་ཆེན་པོ་ཤིན་ཏུ་རྣལ་འབྱོར་སངས་རྒྱས་ཐམས་ཅད་འབྱུང་བའི་རྒྱུད་ཡེ་ཤེས་ཆོས་ཀྱི་སྐུ། དོན་འདུས
iiif viewer powered by OpenSeadragon
