| e-texts navigator |
| Wylie |
157a1 སྒོ་དགུར་ལོག་པར་འཁྱམས་པ་ཡིས།། ལམ་ལོག་མ་རྟོགས་སྐྱོན་དུ་བསྡུ།། དང་པོ་རྟོགས་ཚུལ་མ་ཤེས་ན།། སེམས་ཀྱི་ལོག་གནོན་ཤེས་མི་སྲིད།། དེ་ཕྱིར་རང་སེམས་ཆོས་ཉིད་མིན།། སེམས་ནི་འཁོར
157a2 བ་ཡིན་པར་བསྡུ།། དེ་ཡང་རྡོ་རྗེ་སེམས་དཔའ་ཉོན།། དེ་དག་བསྡུ་བ་རྣམ་བརྒྱད་ཀྱང་།། རང་སེམས་སྙིང་པོ་རྟོགས་པའི་ཐབས།། དེ་ཕྱིར་ངེས་ལུང་རྩ་བར་བསྟན།། སངས་རྒྱས་ངེས་དོན་དེ་ལས་མེད།། རྫོགས་པ
157a3 ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། ཆེད་དུ་ངེས་པར་བསྡུ་བའི་ལེའུ་སྟེ་རེ་དྲུག་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པས་དོན་གཏད་པ།། ཡང་དག་གསང
157a4 བའི་རྒྱུད་ཆེན་འདི།། སངས་རྒྱས་ཀུན་གྱི་ཐུགས་ལ་སྦས།། རིག་འཛིན་རྣམས་ཀྱི་བདག་ལ་གཏད།། དེ་ཕྱིར་ངེས་དོན་གསང་བ་འདི།། གང་ཞིག་རྒྱུད་ལ་འཆང་ནུས་ན།། མཆོག་གི་དངོས་གྲུབ་ཐོབ་པར་ངེས།། དེ
157a5 ཕྱིར་རིན་ཆེན་གཏེར་རྙེད་འདྲ།། དེ་ཡང་འདུས་པའི་སྙིང་པོ་ཉོན།། རྒྱལ་བའི་གསང་ཆེན་བླ་མེད་འདི།། ཚིག་ཏུ་མི་འདོད་ཞེ་ལ་འཆང་།། དེ་བཅངས་ཡོན་ཏན་བསམ་མི་ཁྱབ།། ཀུན་རིག་རྒྱལ་པོས་ངེས་པའི་དོན།།
157a6 ཐེག་པའི་རྒྱལ་པོ་ལྷུན་རྫོགས་འདི།། དད་ལྡན་འཁོར་མང་ཁྱེད་ཀྱིས་ཀྱང་།། རྒྱུད་འདི་ཡིད་ལ་བཅང་བར་གྱིས།། ཡང་དག་ངེས་དོན་རྒྱུད་ཆེན་འདི།། དད་མེད་སྨོད་པ་རྣམས་ལ་ནི།། འདི་སྤེལ་སློབ་དཔོན་བསྒྲལ
iiif viewer powered by OpenSeadragon
