| e-texts navigator |
| Wylie |
154b1 འདི།། རྒྱུ་རྐྱེན་མེད་པའི་རིག་པ་ལ།། ཀུན་དང་མི་མཐུན་ཡེ་ནས་གསལ།། དེ་ལྡན་ཆོས་སྐུ་འགྱུར་བ་མེད།། དེ་ཡང་འདུས་པའི་སྙིང་པོ་ཉོན།། དེ་དོན་ངེས་ལྡན་རྣལ་འབྱོར་ལ།། དགེ་བ་མི་དགོས་སྒྲིབ་པ་མེད།། སྡིག
154b2 པ་མི་སྤྱོད་མ་རིག་མེད།། ཆོས་སྐུ་ངོ་ཤེས་རང་བྱུང་དེ།། ལུང་མ་བསྟན་པའི་སྐྱོན་མི་གོས།། དེ་ཕྱིར་ཡོན་ཏན་ཀུན་ལྡན་པས།། སངས་རྒྱས་ཀུན་དང་ཡེ་ནས་མཉམ།། རྫོགས་པ་ཆེན་པོ་དོན་འདུས་རང་བྱུང་བདེ་བའི
154b3 འཁོར་ལོའི་རྒྱུད་ལས། ངེས་དོན་སྙིང་པོ་བསྡུས་པ་བསྟན་པའི་ལེའུ་སྟེ་རེ་གསུམ་པའོ།། །། དེ་ནས་འདུས་པའི་ཚོགས་རྣམས་ལ།། སེམས་ཀྱི་ལོག་གནོན་བཀའ་སྩལ་པ།། ད་ལྟར་རིག་པ་འདི་ཉིད་ནི།། མ
154b4 བསྒྲིབས་ཡེ་གསལ་རང་བྱུང་དེ།། དུས་འདིར་དོན་གྱི་ཉམས་དང་ལྡན།། དེ་ཡང་འདུས་པའི་སྙིང་པོ་ཉོན།། འབྲས་བུ་ད་ལྟའི་ཤེས་པ་ལ།། མ་རིག་བྲལ་བའི་རྟོགས་པ་དེ།། རང་གསལ་ཡིད་ཆེས་ངེས་པའི་དོན།། དེ
154b5 ཉིད་སངས་རྒྱས་ཡེ་ཤེས་གདེངས།། དེ་ཡང་རྡོ་རྗེ་སེམས་དཔའ་ཉོན།། མཐོ་རིས་ངན་སོང་མེད་པས་བདེ།། བྱིང་རྒོད་མེད་ཕྱིར་བསྒོམ་མི་དགོས།། དེ་ལྡན་ཡང་དག་གོལ་ས་མེད།། དེ་ཕྱིར་འཁོར་འདས་ཀ་ནས་དག
154b6 ཆོས་སྐུའི་ངང་ལ་གནས་པའི་ཚེ།། སྔར་གོམས་བག་ཆགས་དྲན་གྱུར་ཀྱང་།། ཆོས་སྐུ་ཞེན་མེད་གོལ་ས་མེད།། དུག་ཏུ་ངོ་ཤེས་མི་ཟ་འདྲ།། དེ་ཡང་འདུས་པའི་སྙིང་པོ་ཉོན།། ཕྱིས་ཀྱི་ཉོན་མོངས་སྐྱེས་པའི་ཚེ།། ཏུར
iiif viewer powered by OpenSeadragon
