| e-texts navigator |
| Wylie |
153b1 ལ་བལྟ།། རྒྱུ་རྐྱེན་སྙིང་པོ་མེད་པའི་ཕྱིར།། དམིགས་མེད་ཆོས་ཀྱི་སྐུ་ཞེས་བྱ།། དེ་ཡང་རྡོ་རྗེ་སེམས་དཔའ་ཉོན།། སངས་རྒྱས་སེམས་ཅན་གཞི་ལ་མེད།། སེམས་མེད་རང་བྱུང་ཀུན་བཟང་ལ།། སློབ་དཔོན་མེད་ཕྱིར
153b2 རང་བྱུང་སྐུ།། ཐོས་བསམ་མ་བྱས་རང་རིག་རྟོགས།། མ་རིག་མེད་ཕྱིར་སེམས་དང་བྲལ།། ངོ་མཚར་རིག་པ་རྒྱལ་བའི་གསུང་།། སེམས་མེད་རྣམ་པ་ཐམས་ཅད་མཁྱེན།། འབྱུང་བཞི་མེད་ཕྱིར་འདུས་མ་བྱས།། དེ
153b3 ཕྱིར་གཟུགས་མེད་ཡེ་ཤེས་སྐུ།། འཁོར་བ་མེད་པས་རྣམ་པར་དག། སངས་རྒྱས་ཀུན་གྱི་ངེས་པའི་དོན།། ཕྱི་རབས་ཀུན་གྱི་ལུང་དུ་ཆེ།། དེ་རྟོགས་ང་ཡི་བྱིན་རླབས་ལས།། དུས་གསུམ་སངས་རྒྱས་གསན་པར
153b4 མཛད།། མྱང་འདས་ཐོག་མ་མེད་ནས་བྱུང་།། འགྲོ་དོན་གཟུགས་སྐུ་རྣམ་གཉིས་སྟོན།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། ཀུན་ཏུ་བཟང་པོའི་རྟོགས་པ་བསྟན་པའི་ལེའུ་སྟེ་རེ
153b5 གཉིས་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། འཁོར་བ་མྱ་ངན་འདས་པའི་ཆོས།། རང་རིག་ཆོས་སྐུ་མ་ཡིན་ཏེ།། ཡུལ་ལ་ཞེན་པའི་བློ་ཞུགས་པས།། དེ་ཕྱིར་དོན
153b6 གྱི་གནས་ལུགས་མིན།། དེ་ཡང་རྡོ་རྗེ་སེམས་དཔའ་ཉོན།། མ་རིག་རྒྱུ་རྐྱེན་ལས་བསྐྱེད་པའི།། རང་རྟོག་འཁྲུལ་པའི་བག་ཆགས་བརྟས།། དེ་ལས་སྡུག་བསྔལ་སྣ་ཚོགས་བྱུང་།། ཆུ་བོ་བཞི་ལས་ཐར་པ་མེད།། དེ་ཡང
iiif viewer powered by OpenSeadragon
