| e-texts navigator |
| Wylie |
153a1 བཀའ་སྩལ་པ།། ང་ཡིས་རྟོགས་པའི་དོན་བཤད་ཀྱིས།། གཞན་དུ་མ་ཡེངས་སེམས་ལ་ཟུངས།། དེ་སྐད་ཅེས་ནི་གསུངས་པ་དང་།། འཁོར་ཀུན་དད་པས་ཡིད་དགའ་ནས།། རྩེ་གཅིག་ངེས་པར་དོན་ལ
153a2 ཞུགས།། དེ་ཚེ་སྟོན་པས་བཀའ་སྩལ་པ།། འཁོར་འདས་འབྱུང་བས་མ་བསླད་ཚེ།། རང་བྱུང་ངོ་བོ་ཉིད་ཀྱི་སྐུ།། འཁྲུལ་དང་རྟོགས་པ་མེད་པའི་དུས།། མཚོན་ཚིག་སྤྱོད་པའི་ཡུལ་མེད་པས།། གང་ཞིག་འཛིན་བློ་མ
153a3 ཞུགས་ཕྱིར།། དེ་ཉིད་དོན་དུ་རང་རིག་སྟེ།། སྒོ་སྐུར་མ་བཏགས་རང་གསལ་བ།། དེ་ལས་མི་འགྱུར་ཆོས་སྐུར་ཤེས།། སྔར་མ་འཁྲུལ་པས་བསྟན་མི་དགོས།། མ་བསྟན་རིག་པ་རང་ལ་ཤར།། དེ་ཉིད་དུས་ན་མ་རིག
153a4 སངས།། བག་ཆགས་མེད་ཕྱིར་ཡེ་ཤེས་རྒྱས།། རང་གིས་རང་རིག་ཡེ་ཤེས་སྐུ།། དེ་ལས་མ་གཡོས་ལྷུན་གྱིས་གྲུབ།། དེ་ཕྱིར་རང་བྱུང་རྒྱུ་རྐྱེན་མེད།། དེ་ལས་ཡིད་ཆེས་གདེང་ལྡན་པས།། རྐྱེན་བཞི་བསྐྱེད་པས་མ་རིག
153a5 བྲལ།། དེ་ཕྱིར་འཁོར་བར་ལྷུང་མ་མྱོང་།། དེ་ཡང་རྡོ་རྗེ་སེམས་དཔའ་ཉོན།། སེམས་མེད་རང་རིག་ཆོས་སྐུར་ཤེས།། ཆེ་བའི་ཡོན་ཏན་བསྒྲུབ་མི་དགོས།། རང་དོན་བདེ་སྐྱིད་སངས་རྒྱས་མེད།། དེ་ཕྱིར་མྱ་ངན་འདས
153a6 མ་མྱོང་།། ཀུན་བརྟགས་མེད་ཕྱིར་སྒྲིབ་པ་མེད།། དེ་དོན་རང་བྱུང་སྙིང་པོ་ལ།། སྤང་ཐོབ་མེད་པས་རེ་དོགས་བྲལ།། གང་གི་སྐྱོན་གྱིས་མ་གོས་ལ།། མ་བསྒྲུབས་ཡོན་ཏན་མཐའ་དག་རྫོགས།། ཀུན་ཏུ་བཟང་པོ་རང
iiif viewer powered by OpenSeadragon
