| e-texts navigator |
| Wylie |
152b1 མ་ནོར་མ་རྟོགས་པར།། ལྷ་ལོག་གཞན་གྱི་སློབ་དཔོན་བྱེད།། རང་གིས་མི་ཤེས་གཞན་སྒྲོལ་བ།། རཱུ་ཏྲའི་སྒོར་ལྷུང་རྟག་ཏུ་འཁོར།། ཚིག་ཚོགས་ཕྲིན་ལས་ཅི་མཁས་ཀྱང་།། མ་རྟོགས་དངོས་པོར་འཛིན་པ་ཡིས།།
152b2 རང་རྒྱུད་དམ་རྫས་མངོན་ཞེན་ཕྱིར།། བགེགས་དང་བྱ་རོག་སྒོར་ལྟུང་འཁོར།། ཐབས་ལམ་དབང་ལ་ཁུངས་ཕྱུང་སྟེ།། འདོད་ཆགས་རང་དགར་རྟག་སྤྱད་པས།། ལྟ་བས་མ་ཟིན་བདེ་ལ་ཞེ་ན།། ལྷ་ཆེན་སྒོར་ལྟུང
152b3 འཁོར་བར་འཁྱམས།། མ་རྟོགས་པ་དང་བདག་འཛིན་པས།། གསང་སྔགས་ལྟ་སྤྱོད་ཡིན་ཟེར་ནས།། སེམས་ཅན་ཀུན་ལ་བརྩེ་མེད་གསོད།། མུ་སྟེགས་རྟག་ཆད་སྒོར་ལྟུང་འཁོར།། དེ་ཡང་འདུས་པའི་སྙིང་པོ་ཉོན།།
152b4 མ་རྟོགས་དབང་གིས་ཅི་སྤྱོད་པ།། ལུས་ངག་འདི་ཡིས་ལེན་པའི་ཕྱིར།། ལས་ངན་དགུ་པོ་གང་སྤྱད་ཀྱང་།། དམྱལ་བར་ངེས་འགྲོ་གཏན་དུ་འཁྱམས།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད
152b5 ལས། མ་རྟོགས་པ་ལྟུང་བའི་སྒོ་བསྟན་པའི་ལེའུ་སྟེ་རེ་གཅིག་པའོ།། །། དེ་ནས་རྡོ་རྗེ་སེམས་དཔའ་ཡིས།། དད་ལྡན་འཁོར་ལ་ཕན་དོན་དུ།། ཀུན་རིག་སེམས་ཀྱི་རྒྱལ་པོ་ལ།། བདེན་པའི་ཡིད་ཀྱིས་འདི་སྐད
152b6 གསོལ།། ཀུན་བཟང་རང་སེམས་ཇི་ལྟར་རྟོགས།། དོན་གྱི་ངེས་དོན་ཇི་ལྟར་བསྡུ།། སྔ་ཕྱི་ལོག་གནོན་གང་གིས་བྱ།། རང་སེམས་གསལ་བ་ཇི་ལྟར་ཡིན།། དེ་སྐད་ཞུས་པའི་དོན་གསན་ནས།། ཀུན་རིག་རྒྱལ་པོས
iiif viewer powered by OpenSeadragon
