| e-texts navigator |
| Wylie |
152a1 གོ་མཚོན་མེད་པའི་དཔའ་བོ་བཞིན།། མན་ངག་ཟབ་མོའི་ཁྱད་མི་ཟོན།། དེ་ཡང་འདུས་པའི་སྙིང་པོ་ཉོན།། དེ་ཕྱིར་གོལ་ས་དེ་དག་ཀྱང་།། རང་སེམས་སྙིང་པོ་མ་རྟོགས་ཕྱིར།། ལུང་ལྡན
152a2 བཀའ་མེད་འཁོར་བའི་སྐྱོན།། བསྐལ་པར་བགྲངས་ཀྱང་བདེ་མི་ཐོབ།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། གདམས་ངག་མེད་པའི་ཉེས་པ་བསྟན་པའི་ལེའུ་སྟེ་དྲུག་བཅུ་པའོ།། །
152a3 དེ་ནས་ཀུན་རིག་རྒྱལ་པོ་ཡིས།། དད་ལྡན་འཁོར་ལ་བཀའ་སྩལ་པ།། མ་རྟོགས་དབྱིག་གུའི་ཐུན་ཚོད་ཀྱིས།། མདོ་སྡེ་ཁ་ཏོན་གདོན་འགྱུར་ཀྱང་།། བདག་བསྟོད་གཞན་ལ་སྨོད་པའི་ཕྱིར།། ངན་སོང་སྐོར་ནི་ངེས་པར
152a4 ལྟུང་།། གཞན་གྱི་བསམ་སྤྱོད་བཟང་པོ་ལ།། བར་ཆད་བྱེད་པ་བདུད་ཡིན་ཏེ།། མ་རྟོགས་སེར་སྣ་བྱེད་པ་ནི།། བདུད་ཀྱི་སྒོར་ལྟུང་འཁོར་བར་འཁྱམས།། གཞན་གྱི་འཁོར་ལ་ཕྲག་དོག་པས།། ཡོན་ཏན་མང་པོ་ཤེས
152a5 གྱུར་ཀྱང་།། རང་སེམས་སྙིང་པོ་མ་རྟོགས་ན།། གནོད་སྦྱིན་སྒོར་ལྷུང་རྟག་ཏུ་འཁོར།། མཉམ་ཉིད་མ་རྟོགས་རང་རྒྱུད་དུ།། ཆགས་སྡང་ཕོ་ཚོད་སྤྱོད་པའི་ལས།། དུག་ལྔ་རང་གར་སྤྱད་ཉེས་པས།། སྲིན་པོའི་སྒོར་ལྟུང
152a6 རྟག་ཏུ་འཁོར།། རང་དབང་ཏིང་འཛིན་མ་ཐོབ་པར།། འཁོར་དང་རིས་སུ་བཅད་བསམས་པས།། བདག་ཉིད་ཆེ་འདོད་འཁོར་སྡུད་པ།། ཤོ་གམ་ཅན་ཆེན་དག་ཏུ་ལྟུང་།། དེ་ཡང་རྡོ་རྗེ་སེམས་དཔའ་ཉོན།། ཇི་བཞིན
iiif viewer powered by OpenSeadragon
