| e-texts navigator |
| Wylie |
151a1 སྟོན།། དཔེ་ནི་ནམ་མཁའི་དཀྱིལ་དང་འདྲ།། རྟགས་ནི་སངས་རྒྱས་ཆོས་ཀུན་མཁྱེན།། དེ་ཡི་ཡོན་ཏན་བརྗོད་མི་ལངས།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས།།
151a2 སངས་རྒྱས་ཀྱི་མཛད་སྤྱོད་བསྟན་པའི་ལེའུ་སྟེ་ང་བརྒྱད་པའོ།། །། དེ་ནས་ཀུན་རིག་རྒྱལ་པོ་ལ།། འདུས་པའི་འཁོར་གྱི་ཡང་ཞུས་པ།། མ་རྟོགས་འཁོར་བར་ཇི་ལྟར་འཁྱམས།། གདམས་ངག་མེད་པའི་སྐྱོན་ནི
151a3 གང་།། དེ་ཡི་ལྟུང་སྒོ་གང་དུ་ལྟུང་།། ཀུན་བཟང་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། རྒྱུད་ལུང་མན་ངག་ཆོས་རྣམས་ཀུན།། སྣང་བ་བཞི་རུ་བློས
151a4 བྱས་པས།། སྒྲོ་སྐུར་གཉིས་ལ་ཞེན་པའི་ཕྱིར།། བྱས་པ་དོན་མེད་སྡུག་བསྔལ་སྣརོན།། དེ་ཡང་འདུས་པའི་སྙིང་པོ་ཉོན།། དཔེར་ན་བྱ་སྒྲོ་རླུང་ཁྱེར་ལྟར།། ངེས་མེད་གཞི་ལ་བློ་གཏང་ནས།། མ་རྟོགས་རྩོལ་སྒྲུབ་ཅི་སྤྱད
151a5 ཀྱང་།། མི་རྟོགས་དུག་ལྔ་རྒྱས་པར་འགྱུར།། དམུས་ལོང་བྱང་ཐང་འཁོར་བ་བཞིན།། ངེས་དོན་མ་རྟོགས་ཅི་བསྒོམས་ཀྱང་།། ཤེས་རབ་མིག་མེད་བག་ཆགས་བརྟས།། གོལ་ས་མ་ཆོད་འཁྲུལ་པའི་ལས།། དེ་ཡང་རྡོ
151a6 རྗེ་སེམས་དཔའ་ཉོན།། དཔེར་ན་བྱ་རྒོད་གཤོག་ཆག་ལྟར།། བལྟ་སྤྱོད་གཅིག་ཏུ་མ་ཤེས་པར།། རེས་འཇོག་བླང་དོར་བྱས་ཕྱིར་ནོར།། མ་རྟོགས་ཆོས་སྤྱོད་ལས་རྣམས་འཁྲུལ།། ས་བོན་མ་བཏབ་སོ་ནམ་བཞིན།།
iiif viewer powered by OpenSeadragon
