| e-texts navigator |
| Wylie |
150a1 གདེང་ལྡན་པས།། ཚེ་ཡི་ཐ་མ་འཆི་ཀའི་དུས།། ས་ཆུ་མེ་རླུང་རིམ་ཐིམ་སྟེ།། དབུགས་ནི་ཐུམ་ཟུམ་བྱེད་པའི་ཚེ།། ཚེ་འདིའི་སྣང་བ་ནུབ་ཁ་རུ།། ཕྱི་མའི་སྣང་བ་འཆར་ཁ་རུ།། རྣམ་ཤེས་སྣང་བ་སྐྱེས་པའི
150a2 ཚེ།། དུ་བ་སྨིག་རྒྱུ་ལྟ་བུར་མཐོང་།། འབྱུང་བ་དངོས་མེད་ཞིག་པ་སྙམས།། དེ་ཚེ་སྣང་བ་འདི་ནུབ་ནས།། རང་སྣང་མཆེད་པ་སྲིན་བུའི་མེ།། བག་ཙམ་གསལ་བའི་དོན་མཐོང་སྟེ།། སྣང་བ་ཐོབ་པའི་དུས་སུ་ནི།། མར
150a3 མེའི་རྩེ་ལྟར་བརྟག་པར་དཀའ།། དེ་ནས་ཡེ་ཤེས་བརྟན་པའི་དུས།། ནམ་ལངས་ཉི་མ་ཤར་བ་བཞིན།། རང་རིག་ཆོས་སྐུ་ཝལ་གྱིས་གསལ།། ཡུལ་མེད་རིག་པ་རང་བྱུང་ཐུགས།། ས་ཟིན་ངེས་པའི་རང་བྱུང་དེ།། སྔར
150a4 གོམས་དབང་གིས་འགྱུར་བ་མེད།། དཔེར་ན་ཁབ་ལེན་ལྕགས་བཞིན་དུ།། རང་རིག་ཆོས་སྐུ་ངོས་ཟིན་པས།། མངོན་ཤེས་དྲུག་ལྡན་རྗེས་དྲན་དྲུག། བར་དོ་ཡོན་ཏན་ལྔ་ལྡན་པས།། མ་རིག་སངས་ནས་ཡེ་ཤེས
150a5 རྒྱས།། སངས་རྒྱས་ཡོན་ཏན་ཐམས་ཅད་སྡུད།། དེ་ཡང་རྡོ་རྗེ་སེམས་དཔའ་ཉོན།། རང་བྱུང་རང་རིག་ཡེ་ཤེས་ནི།། སང་ངེ་སལ་ལེ་ཡེ་ཤེས་གསལ།། དེ་ཕྱིར་རང་བྱུང་ཡེ་ཤེས་སྐུ།། བྱིས་ནི་བར་དོར་ལུས་མི་ལེན།།
150a6 ཡུལ་ལ་མི་འཇུག་ཆགས་སྡང་མེད།། དེ་ཕྱིར་མངལ་དུ་འཇུག་པ་མེད།། སངས་རྒྱས་ཞེས་ནི་དེ་ལ་བྱ།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། སངས་རྒྱས་པའི་དུས་བསྟན་པའི་ལེའུ
iiif viewer powered by OpenSeadragon
