| e-texts navigator |
| Wylie |
14a1 བསྟན་པ་ཡང་།། བཀྲི་དྲང་ལྡེམ་དགོངས་ཙམ་དུ་བསྟན།། དེ་ཡི་སྐྱོན་ཡོན་ཁྱད་པར་ནི།། འབྱུང་བ་མེ་ཆུའི་དཔེ་བཞིན་དུ།། ཡེ་ཤེས་ལོག་རྟོག་ཁྱད་པར་གྱིས།། ཤེས་པ་ཀུན་གཞིའི་མཚན་ཉིད་ནི།། རྒྱུ
14a2 རྐྱེན་གཉེན་པོས་འཇིག་པ་དང་།། དུས་གསུམ་མི་རྟག་འགྱུར་བ་དང་།། བག་ཆགས་མཚན་མའི་རྟེན་བྱས་པས།། ཡང་དག་མ་ཡིན་འཁོར་བའི་གཞི།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི
14a3 རྒྱུད་ལས། ཚོགས་བརྒྱད་ཆོས་སྐུ་མིན་པར་བསྟན་པའི་ལེའུ་སྟེ་དགུ་པའོ།། །། དེ་ནས་ཀུན་རིག་རྒྱལ་པོས་ཡང་གསུངས་པ།། ལོག་ལྟ་མུ་སྟེགས་རྣམ་གཉིས་དང་།། ཕྱི་རོལ་ཡང་དག་གསང་སྔགས
14a4 དང་།། གསང་ཆེན་འཁྲུལ་ཚུལ་ངས་བཤད་ཉོན།། ངོ་བོ་ཆོས་སྐུ་གཉིས་མེད་དེས།། གཞི་བྱས་ཕ་རོལ་རྒྱུ་འབྲས་མེད།། འབྱུང་བ་ལྔ་བྱུང་རང་ཞི་སྟེ།། ཆད་པར་འདོད་པ་འཁྲུལ་པ་ཡིན།། དངོས་མེད་ངོ་བོ་མི་འགྱུར
14a5 །། གཞི་བྱས་རང་སེམས་དངོས་པོ་དག། ཁ་དོག་དབྱིབས་སུ་གྲུབ་པ་ལ།། རྟག་པ་ཐེར་ཟུག་འདོད་པ་འཁྲུལ།། ད་ཡང་འདུས་པའི་སྙིང་པོ་ཉོན།། སྣང་བ་ཆོས་ཀྱི་དབྱིངས་ཉིད་ཀྱིས།། གཞི་བྱས་སེམས་ལ་ཐ་དད
14a6 པས།། ཕྲ་རགས་འདོད་ཡོན་རྣམ་ལྔའི་ཡུལ།། དོན་དམ་བདག་མེད་འདོད་པ་འཁྲུལ།། དྲང་དོན་སྒོར་ཞུགས་སྐྱེ་བོ་དང་།། ཚིག་ལ་ཁྱད་ཡོད་དོན་ལ་མེད།། དེ་ཕྱིར་ཉན་ཐོས་ཐེག་པ་བས།། རང་སེམས་མ་རྟོགས་ཤིན
iiif viewer powered by OpenSeadragon
