| e-texts navigator |
| Wylie |
149b1 ལམ་ཆེན་ཆོས་སྐུའི་ཀློང་།། དེ་ཡི་ཡིད་ཆེས་གཏན་ཚིགས་ནི།། ཉོན་མོངས་མི་འབྱུང་བག་ཆགས་བྲལ།། སྤོང་སྡུད་ཞེན་པའི་རྟོག་པ་སངས།། མ་རིག་སྒྲིབ་མེད་ཡེ་ཤེས་རྒྱས།། དེ་ཡི་དོན་ཉིད་མཚོན་པའི་དཔེ།། མར
149b2 མེ་རླུང་གིས་མ་བསྐྱོད་དང་།། སྤྲིན་མེད་ཉི་མ་རང་གསལ་ལྟར།། མི་གཡོ་རྒྱ་མཚོ་དངས་པ་འདྲ།། འབྲས་བུའི་ཡེ་ཤེས་དེ་ཉིད་ཡིན།། ལྟ་བ་གདེང་ལྡན་ཡིད་ཆེས་པས།། རང་རིག་ཡེ་ཤེས་ཉམས་ཤར་ཏེ།། འཁོར་བར
149b3 ལྷུང་མེད་འབྲས་བུ་མཆོག། དེ་ཡང་འདུས་པའི་སྙིང་པོ་ཉོན།། འབྲས་བུ་མངོན་གྱུར་སངས་རྒྱས་ནི།། རང་གི་ངོ་བོ་ཆོས་ཀྱི་སྐུ།། ཡེ་ཤེས་ཐུགས་ཀྱིས་ཐམས་ཅད་མཁྱེན།། ངེས་པའི་དོན་ལ་འཕོ་འགྱུར་མེད།། ཡིད
149b4 ཆེས་ངེས་པའི་གཏན་ཚིགས་ནི།། ལུས་དང་བྲལ་བའི་བར་དོ་ལ།། མ་རིག་སྒྲིབ་པ་ཐམས་ཅད་སངས།། རང་བྱུང་རིག་པའི་ཡེ་ཤེས་རྒྱས།། དེ་ཡི་མཐུན་དཔེ་མཚོན་དཔེ་ནི།། ཡིད་བཞིན་ནོར་བུ་རིན་པོ་ཆེ།། དགོས
149b5 འདོད་ཐམས་ཅད་འབྱུང་བ་དང་།། ཅི་བསམ་འགྲུབ་པའི་དཔེ་དང་འདྲ།། དེ་ཡི་འབྲས་བུ་ངེས་པ་ནི།། རང་རིག་ཆོས་སྐུ་ཡེ་ཤེས་ལ།། གཟུགས་སྐུ་རྣམ་གཉིས་དུས་གཅིག་འབྱུང་།། འགྲོ་དོན་མཛད་ཀྱང་སྐྱོན་མི
149b6 དགོས།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། སངས་རྒྱས་ཀྱི་དབྱེ་བ་བསྟན་པའི་ལེའུ་སྟེ་ང་དྲུག་པའོ།། །། ཀུན་རིག་སྟོན་པས་ཡང་གསུངས་པ།། རྣལ་འབྱོར་རྟོགས་པའི
iiif viewer powered by OpenSeadragon
