| e-texts navigator |
| Wylie |
149a1 མུན་གསེབ་ན།། རང་བྱུང་མ་རིག་བསྒྲིབས་ཏེ་གནས།། དེ་ཡི་གཏན་ཚིགས་ངེས་པ་ནི།། རྟག་ཆད་བྲལ་དང་ངོ་མ་ཤེས།། རང་བྱུང་ངོ་བོ་རྒྱུན་དུ་གནས།། འཁོར་འདས་གཉིས་ཀ་སེམས་ལ་རྫོགས།། དེ
149a2 ཡི་དེ་ཉིད་མཚོན་པའི་དཔེ།། ཏིལ་ལ་མར་གྱིས་ཁྱབ་པ་དང་།། ནམ་མཁའ་ཨ་དང་རྡོ་རྗེ་ཡིས།། ཕྱོགས་འགའ་འདྲ་བའི་དཔེ་ཡིས་མཚོན།། འབྲས་བུ་རང་ལ་ཡོད་པའི་ཕྱིར།། རྒྱུ་རྐྱེན་གཞན་ལ་རག་མ་ལུས།། དེ་ཕྱིར
149a3 རང་བྱུང་ཀུན་ཁྱབ་དེས།། གཞན་དོན་བྱས་ཕྱིར་བཙལ་མི་དགོས།། དེ་ཡང་འདུས་པའི་སྙིང་པོ་ཉོན།། རྟོགས་པ་སྐད་ཅིག་སངས་རྒྱས་ནི།། ངོ་བོ་ཀུན་གཞིའི་གཞི་ཆ་ལ།། ལུང་ལྡན་བླ་མས་དོན་བསྟན་པས།། མ་རིག
149a4 སངས་པས་རིག་པ་རྒྱས།། དེ་ཡང་ཡིད་ཆེས་གཏན་ཚིགས་ནི།། འཁོར་འདས་འབྱུང་བ་གློ་བུར་ཏེ།། གཞི་ལ་མེད་པར་རང་ཡིད་ཆེས།། དེ་ཕྱིར་རྩོལ་བའི་ནད་དང་བྲལ།། དེ་ཡིས་དེ་ཉིད་མཚོན་པ་ནི།། མུན་ཁུང་སྒྲོན
149a5 མེ་བཏེགས་པ་དང་།། ནམ་ལངས་ཉི་མ་ཤར་བ་དང་།། ལོང་བས་རིན་ཆེན་རྙེད་པ་འདྲ།། དེ་ཡི་འབྲས་བུ་ངེས་པ་ནི།། བག་ཆགས་ཉོན་མོངས་ཟིལ་གྱིས་གནོན།། ཡུལ་མེད་རང་རིག་ཆོས་སྐུར་བསྟན།། དེ་ཡང་ཡིད
149a6 ཆེས་འབྲས་བུ་མཆོག། དེ་ཡང་རྡོ་རྗེ་སེམས་དཔའ་ཉོན།། ལམ་ལ་གནས་པའི་སངས་རྒྱས་དེ།། ངོ་བོ་ལྟ་བའི་གཞིར་ངེས་ཕྱིར།། རྒྱུན་དུ་འབྲལ་མེད་ལྷག་མཐོང་གསལ།། ཡེ་ཤེས་ངོས་ཟིན་ཡེངས་པ་མེད།། དེ་ཕྱིར
iiif viewer powered by OpenSeadragon
