| e-texts navigator |
| Wylie |
148b1 པས།། ཆོས་དང་ལོངས་སྐུའི་བདག་ཉིད་ལས།། སྦྲུལ་སྐུ་ཇི་ལྟར་འཐད་བསྟན་ཏེ།། སོ་སོའི་གཞུང་དང་མཐུན་པ་རུ།། འགྲོ་དོན་མ་ལུས་རྫོགས་པར་མཛད།། སླར་ཡང་ཆོས་སྐུར་མྱ་ངན་འདས།། ལོག་པའི་འབྲས་བུ
148b2 མཐར་ཕྱིན་པས།། དེ་དག་རེ་ཞིག་བསྟན་པར་ཟད།། རིམ་པར་བརྒྱད་ནི་དྲང་བའི་དོན།། འགྲོ་དོན་རྒྱས་ཞེས་གསུངས་མོད་ཀྱང་།། སྐུ་དང་ཡེ་ཤེས་ཡོངས་མེད་པས།། དེ་ལ་མཐར་ཟུག་འབྲས་བུ་མེད།། ཐེག་པ
148b3 བརྒྱད་ཀྱིས་སངས་མི་རྒྱ།། དེ་ཡང་འདུས་པའི་སྙིང་པོ་ཉོན།། རིམ་པ་བརྒྱད་ཀྱིས་བསྒྲུབ་པའི་ལམ།། བྱ་བྱེད་འབད་རྩོལ་མཚན་མ་སྟེ།། མཚན་མ་སངས་རྒྱས་གེགས་ཡིན་པས།། རིམ་པ་བརྒྱད་ཀྱི་གོལ་ས་ཡིན།། དེ
148b4 ཡང་རྡོ་རྗེ་སེམས་དཔའ་ཉོན།། ཡེ་ནས་སངས་རྒྱས་ཨ་ཏི་ལ།། སངས་རྒྱས་ཉིད་ལས་གཞན་མེད་ཅིང་།། ཀུན་གཞི་རྒྱུ་འབྲས་གཏིང་ནས་མེད།། ཇི་ལྟར་གནས་པའི་དོན་ཉིད་ལས།། མཐར་ཕྱིན་འབྲས་བུ་བརྗོད་ལས
148b5 འདས།། ལོག་ལྟ་བྲལ་བ་ཇི་བཞིན་པ།། བློ་ལ་མངོན་སྣང་མཐར་ཕྱིན་པའོ།། སངས་རྒྱས་མྱང་འདས་འབྲས་བུ་རྫོགས།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། ཡེ་ཤེས་མཐར་ཕྱིན
148b6 པའི་འབྲས་བུ་བསྟན་པའི་ལེའུ་སྟེ་ང་ལྔ་པའོ།། །། དེ་ནས་འདུས་པའི་འཁོར་རྣམས་ལ།། སངས་རྒྱས་དབྱེ་བ་བཀའ་སྩལ་པ།། དང་པོ་རྒྱུ་ཡི་སངས་རྒྱས་ནི།། རང་བྱུང་ངོ་བོ་ཉིད་ཀྱི་སྐུ།། སེམས་ནི་ཀུན་གཞིའི
iiif viewer powered by OpenSeadragon
