| e-texts navigator |
| Wylie |
147a1 ཡིན་པས།། དེ་ཉིད་ཀུན་གཞི་ལྡོག་དུས་ཡིན།། དེ་ཡང་རྡོ་རྗེ་སེམས་དཔའ་ཉོན།། ཐམས་ཅད་ཆོས་ཉིད་མཉམ་པའི་ངང་།། མ་བཙལ་ཡེ་ནས་ལྷུན་གྲུབ་རྫོགས།། དུས་གསུམ་མི་འགྱུར་ཆེན་པོ་ཡིན།།
147a2 ཐམས་ཅད་ཡེ་ནས་སངས་རྒྱས་པས།། འཁོར་གྱི་ཚིག་ནི་མིང་མེད་ཏེ།། བསྐྱེད་ཅིང་རྩོལ་བས་ཕྲལ་མི་དགོས།། རང་རིག་ཡེ་ཤེས་མངོན་སྣང་བས།། དེ་ཉིད་མངོན་དུ་སྣང་གྱུར་ཏེ།། དེ་ཚེ་ཉིད་ན་འཁོར་བ་སྟོངས།།
147a3 ཀུན་གཞི་མིང་མེད་ལྡོག་པའི་དུས།། དེ་ཡང་འདུས་པའི་སྙིང་པོ་ཉོན།། དོན་དུ་རྣམ་པ་ཐམས་ཅད་དུ།། སངས་རྒྱས་ཉིད་ལས་མ་གཏོགས་པ།། རྫོགས་ཆེན་ཨ་ཏིའི་ཨ་ཏི་ལ།། གཞན་པ་གང་ཡང་མེད་པའི་ཕྱིར།། ས
147a4 དང་ཀུན་གཞི་ལྡོག་དུས་གཅིག། ཡེ་ནས་སངས་རྒྱས་རང་བཞིན་ལ།། དེ་ལས་མི་འགྱུར་རྩོལ་དང་བྲལ།། ཡེ་རྫོགས་ཉིད་ལས་མ་གཏོགས་པ།། ཀུན་གཞིའི་མིང་ཡང་མི་སྲིད་པས།། འཁོར་བ་ཡོད་པ་མ་ཡིན་ཏེ།།
147a5 རྡོག་རྒྱུ་མེད་ཕྱིར་ལྡོག་དུས་གང་།། ཐམས་ཅད་ཡེ་སངས་རྒྱས་པའི་ཕྱིར།། རྟོགས་མ་རྟོགས་སུ་གང་གིས་གདགས།། རང་བྱུང་ཡེ་ཤེས་ཆེན་པོ་ལས།། མ་རྟོགས་འཁོར་བ་མིང་ཡང་མེད།། མ་རྟོགས་འཁོར་བར་སྣང་ཞེ
147a6 ན།། ལྟར་སྣང་ཡང་དག་དོན་མེད་དེ།། སངས་རྒྱས་ཉིད་ལ་ལྟར་སྣང་མེད།། ཐམས་ཅད་ཆོས་སྐུ་བརྡལ་བ་ལ།། གང་ཡང་མེད་ཕྱིར་ཅི་ཞིག་འཁོར།། དེ་ཕྱིར་མ་བཙལ་ཡེ་རྫོགས་ཡིན།། རྫོགས་པ་ཆེན་པོ་དོན་འདུས
iiif viewer powered by OpenSeadragon
