| e-texts navigator |
| Wylie |
146b1 གསུང་ཐུགས་སུ་དག། འདོད་པའི་ཡོན་ཏན་ཡེ་ཤེས་རྒྱན།། མཉམ་པ་ཉིད་དུ་ཀུན་གྱུར་པས།། དེ་ཉིད་དབྱེ་བ་མེད་པའི་ས།། མཆོད་བསྟོད་བསྙེན་པ་མཐར་ཕྱིན་ནས།། དེ་ཉིད་ངེས་པར་མངོན་གྱུར་ཏེ།། སྐུ་གསུང
146b2 ཡོན་ཏན་ཕྲིན་ལས་ཀྱིས།། འགྲོ་བ་མ་ལུས་རྫོགས་པར་མཛད།། གྲོགས་དང་གཉེན་པོའི་ཚུལ་གྱིས་འདུལ།། དེ་ཉིད་ཡོངས་སུ་རྫོགས་པའི་ས།། ཀུན་གཞི་ལྡོག་པའི་དུས་ཉིད་ཡིན།། དེ་ཡང་རྡོ་རྗེ་སེམས་དཔའ
146b3 ཉོན།། ཡེ་ནས་ལྷུན་གྱིས་གྲུབ་པའི་སྐུ།། གཞན་ནས་སྤྱན་དྲངས་མེད་པ་སྟེ།། དབྱིངས་ལ་རིག་པ་དྲང་བ་ལས།། དེ་ལ་དབྱིངས་ཉིད་ཇི་བཞིན་པར།། རིག་པས་དེ་ལྟར་གཉིས་མེད་པར།། རྟོགས་པས་སྤྱན་དྲངས་བྱོན
146b4 པ་ཡིན།། དེ་ལྟར་ངེས་པར་གྱུར་པ་ནི།། དེ་ཉིད་གཉིས་སུ་མེད་པའི་ས།། ཕུང་པོ་ལྟ་རུ་རྫོགས་པ་ཡང་།། ཡེ་ནས་ལྷ་ཡི་རང་བཞིན་ལ།། དེ་གཟོད་རྩོལ་བ་མ་ཡིན་ཏེ།། དབྱིངས་ཉིད་སྐྱེ་བ་མེད་པ་ལས།། སྐྱེ་བའི་ཆོས
146b5 འཕྲུལ་ལྷ་ཡི་སྐུ།། རྫོགས་པར་དེ་ཉིད་སྣང་བ་ལས།། ཏིང་འཛིན་རིམ་གྱིས་བསྐྱེད་པ་མེད།། མ་བསྐྱེད་རང་བཞིན་རྫོགས་གསལ་བ།། དེ་ཉིད་བཀོད་པ་མེད་པའི་ས།། མ་བསྐྱེད་རྫོགས་པར་གསལ་བ་ལས།། བདག
146b6 གཞན་གཉིས་སུ་མེད་པས་ནི།། དབྱིངས་ལས་རིམ་འཇུག་མ་གཡོས་པར།། འབྲས་བུ་ཆེ་བའི་ཡོན་ཏན་རྫོགས།། གཞན་ནས་བྱས་དང་བཙལ་མེད་པས།། ཆེ་བའི་ཡོན་ཏན་རྫོགས་པ་ལ།། ལྷུན་གྱིས་གྲུབ་པའི་ས
iiif viewer powered by OpenSeadragon
