| e-texts navigator |
| Wylie |
145b1 གསན་བཀའ་སྩལ་པ།། ལྡོག་པའི་དུས་དང་ལྡོག་པའི་ཐབས།། དང་པོ་ཀུན་གཞི་ལྡོག་དུས་ནི།། ཀུན་གཞིའི་མཚན་ཉིད་འགྲོ་ལྡོག་མེད།། རེ་ཤིག་མ་རིག་བག་ཆགས་ཟད།། དེ་ལ་ལྡོག་ཅེས་བཏགས་པ་སྟེ།། ལྡོག
145b2 དུས་རིམ་དང་ཡོངས་སུ་དག། དང་པོ་གཉིས་ནས་དགུ་བར་དུ།། ལྷན་ཅིག་སྐྱེས་དང་ཀུན་བརྟགས་པའི།། མ་རིག་སྒྲིབ་པ་ཡོངས་སྦྱངས་ནས།། རྡོ་རྗེ་ལྟ་བུའི་ཏིང་འཛིན་གྱིས།། ཐམས་ཅད་མེ་ལོང་གཡའ་དག་ལྟར།།
145b3 གྱུར་པས་ལྡོག་དུས་དེ་ཉིད་ཡིན།། དེ་ཡང་འདུས་པའི་སྙིང་པོ་ཉོན།། ལུས་ངག་ཡིད་གསུམ་མ་སྦྱངས་པར།། ཡེ་ཤེས་ལྷ་ལ་མི་སྤྲོ་སྟེ།། དངོས་གྲུབ་བསླང་བའི་འོས་མེད་པས།། དེ་ཉིད་དག་པར་སྦྱངས་པ་ནི།། དངོས
145b4 གྲུབ་བསླང་བའི་འོས་གནས་ཡིན།། བདག་ཉིད་དག་པས་དམ་ཚིག་སེམས།། བྲན་དང་ཁོལ་ཚུལ་དངོས་གྲུབ་བསླང་།། ཡེ་ཤེས་སེམས་དཔའ་བླ་མ་ཡིས།། བདག་ལ་དངོས་གྲུབ་སྟེར་ཚུལ་གྱིས།། མཚན་བཅས
145b5 མཚན་མེད་གཉིས་སྒོ་ནས།། ཀུན་གཞི་བག་ཆགས་ཡོངས་སྦྱངས་ནས།། ལྕང་ལོ་ཅན་གྱི་ཕོ་བྲང་དུ།། ཕྱག་ན་རྡོ་རྗེའི་སྐུར་རྫོགས་པས།། རྡོ་རྗེ་འཛིན་པའི་ས་ཞེས་བྱ།། དེ་ཡང་རྡོ་རྗེ་སེམས་དཔའ་ཉོན།། ཐམས་ཅད
145b6 སྤྲོས་བྲལ་རྣམ་པར་དག། ད་ལྟའི་རིག་པའི་ཡེ་ཤེས་འདི།། རྟོགས་པའི་མཚན་ཉིད་རྣལ་འབྱོར་ལ།། ཆུ་ཟླ་ལྟ་བུར་བསྐྱེད་པའི་གཞི།། བྱང་ཆུབ་ལྔ་ཡི་ལྷ་ཚོགས་གསལ།། མཚན་མ་ལྷ་ཡི་རྣལ་འབྱོར་ལ།། སྦྱོར་བ་ལྡན
iiif viewer powered by OpenSeadragon
