| e-texts navigator |
| Wylie |
145a1 ཤུགས་ལས་འབྱུང་།། དཔེར་ན་ཆང་གིས་ར་རོ་བཞིན།། བྱང་ཆུབ་སེམས་དཔའ་ལས་དག་ལ།། ལོངས་སྤྱོད་རྫོགས་པའི་སྐུར་མཐོང་ནས།། ལྡེམ་དགོངས་ཆོས་རྣམས་སྐུ་ཡིས་སྟོན།། དད་ལྡན་ཉན་ཐོས
145a2 རང་རྒྱལ་ལ།། ཅིར་ཡང་སྤྲུལ་པའི་སྐུར་མཐོང་ནས།། གསུང་གི་སྒོ་ནས་དྲང་དོན་དུ།། བཀྲི་དྲང་ཐབས་ཀྱིས་ཆོས་རྣམས་སྟོན།། དེ་ཡང་འདུས་པའི་སྙིང་པོ་ཉོན།། འཁོར་འདས་གཞི་ལ་མེད་པ་ཡི།། ངེས་དོན་ཡེ་ཤེས
145a3 ཆོས་སྐུ་འདི།། ཐམས་ཅད་སངས་རྒྱས་དགོངས་པའི་ཆོས།། སེམས་ཅན་མིང་མེད་བདེ་གཤེགས་ལ།། བྱིན་རླབས་ཆོས་ཀུན་ཐུགས་ཀྱིས་སྟོན།། དེ་ཡང་རྡོ་རྗེ་སེམས་དཔའ་ཉོན།། སྐུ་གསུམ་གསུངས་པ་དེ་དག
145a4 ཀྱང་།། གདུལ་བྱའི་འཁོར་ལ་ཕྱེ་བ་ལས།། དོན་ལ་དབྱེར་མེད་ཆོས་སྐུར་གཅིག། དེ་ཕྱིར་ཐིག་ལེ་ཉག་གཅིག་ཡིན།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས།།
145a5 བདུད་ཟིལ་གྱིས་ནོན་པའི་འབྲས་བུ་བསྟན་པའི་ལེའུ་སྟེ་ལྔ་བཅུ་པའོ།། །། དེ་ནས་ཀུན་རིག་སྟོན་པ་ལ།། རྡོ་རྗེ་སེམས་དཔས་ཡང་ཞུས་པ།། ཀུན་གཞི་ལྡོག་དུས་ཐབས་དང་ནི།། ལོག་པའི་འབྲས་བུ་མཐར་ཕྱིན
145a6 གང་།། སངས་རྒྱས་རྣམ་བཞི་ཇི་ལྟར་དབྱེ།། བར་དོར་སངས་ནི་ཇི་ལྟར་རྒྱ།། སངས་རྒྱས་མཛད་སྤྱོད་ཇི་ལྟར་འབྱུང་།། ཀུན་རིག་སྟོན་པས་བཤད་དུ་གསོལ།། དེ་ནས་འདུས་པའི་འཁོར་རྣམས་ལ།། ཞུས་པའི་དོན
iiif viewer powered by OpenSeadragon
