| e-texts navigator |
| Wylie |
142b1 གསང་བའི་ཟིལ་གྱིས་མནན།། དེ་ཡང་རྡོ་རྗེ་སེམས་དཔའ་ཉོན།། ཟིལ་གྱིས་མནན་ཐབས་དེ་དག་ཀྱང་།། སྤང་ལེན་དགག་བསྒྲུབ་མེད་པར་འདུས།། དེ་ཕྱིར་དོན་རྟོགས་དམ་པའི་ལམ།། དེ་ཡང་སངས་རྒྱས་དགོངས
142b2 པ་ཡིན།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། སྤྱོད་པ་ཉམས་ཀྱི་བདུད་ཟིལ་གྱིས་མནན་པའི་ལེའུ་སྟེ་ཞེ་བདུན་པའོ།། །། དེ་ཡང་འདུས་པའི་སྙིང་པོ་ཉོན།། ཚོན་ཀུན་རྩ་བ
142b3 བྱང་ཆུབ་སེམས།། དེ་རྟོགས་བདུད་ནི་ཟིལ་ནོན་རྟགས།། ཀུན་བཟང་སྟོན་པ་ངས་བཤད་ཀྱིས།། ལེགས་པར་ཉོན་ལ་ཡིད་ཀྱིས་ཟུང་།། རྣལ་འབྱོར་སྣང་བའི་འོད་བྱུང་ན།། འཇའ་ཚོན་རང་བཞིན་མེད་ཤེས་བཞིན།།
142b4 དམ་པར་ཞེན་པའི་བློ་མི་འབྱུང་།། འོད་གསལ་བདུད་ནི་ཟིལ་ནོན་རྟགས།། དོན་རྟོགས་རྣལ་འབྱོར་དམ་པ་ཡིས།། སྒྲ་ཡི་རྣམ་པ་ཐོས་པའི་ཚེ།། སྒྲ་བརྙན་རྟག་པ་མེད་ཤེས་པས།། རྗེས་འབྲངས་འཛིན་པའི་སེམས
142b5 བྲལ་ཕྱིར།། སྒྲ་གྲག་བདུད་ནི་ཟིལ་གནོན་རྟགས།། རྣལ་འབྱོར་འཇིགས་གཟུགས་མཐོང་བའི་ཚེ།། ལྦུ་བ་སྙིང་པོ་མེད་ཤེས་ལྟར།། གཞི་ལ་འཇིགས་པའི་ཡུལ་མེད་རྟོགས།། གཟུགས་བདུད་ཟིལ་གྱིས་ནོན་པའི
142b6 རྟགས།། རྣལ་འབྱོར་བསླུ་བའི་རྫུན་བྱུང་ཚེ།། རྨི་ལམ་བཞིན་དུ་རྫུན་དུ་ཤེས།། གང་ལ་བདེན་པར་མི་ལྟ་བས།། བསླུ་བའི་བདུད་ནི་ཟིལ་ནོན་རྟགས།། དེ་ཡང་རྡོ་རྗེ་སེམས་དཔའ་ཉོན།། རྣལ་འབྱོར་ཡུལ་དྲན་རྒོད
iiif viewer powered by OpenSeadragon
