| e-texts navigator |
| Wylie |
140b1 གང་ཟག་ཀུན།། གདེང་མེད་ཚུལ་འཆོས་གསོད་ཅན་དེར། ཁ་འཇམ་དོན་འཁྲིའི་བདུད་ཞུགས་ཏེ།། གཞན་དག་བྲིད་ཕྱིར་དགེ་ལ་བརྩོན།། མན་ངག་མེད་པར་གསང་བ་སྐད།། རང་ཉིད་བསླུས་ཕྱིར་བདུད་ཞུགས
140b2 ལྟུང་།། ཕྱི་མར་ཡི་དྭགས་ལྟོ་འཕྱེར་སྐྱེ།། དེ་ཡང་འཁོར་གྱི་སྙིང་པོ་ཉོན།། ལྷ་མེད་ཐབས་ཀྱི་རྣལ་འབྱོར་པས།། དབང་གསུམ་པ་ཡི་བདེ་བ་ལ།། དགའ་བ་བཞི་ལ་ཞེན་པ་ཡིས།། འདོད་ཆགས་སྲེད་པའི་བདུད་ཞུགས
140b3 ཏེ།། བྱི་ཤུགས་ཕོ་མོ་ཀུན་ཚོགས་ནས།། འདོད་ཆགས་སྤྱད་པས་ཏིང་འཛིན་འཕེལ།། དེ་ཕྱིར་དབང་ལ་བརྟེན་དགོས་ཟེར།། ཆགས་པའི་བདུད་ཀྱིས་རང་བསླུས་ལྷུང་།། དེ་ཡང་རྡོ་རྗེ་སེམས་དཔའ་ཉོན།། ངེས་པའི
140b4 ལུང་ལྡན་རྣལ་འབྱོར་ལ།། མཉམ་དུ་ར་ནས་འགྲན་པའི་ཕྱིར།། སྨད་སེམས་ཞེ་སྡང་བདུད་ཞུགས་ཏེ།། རང་མཉམ་ངན་པ་གཞན་ལ་རྒོལ།། གདམས་ངག་ཅན་ལ་སྐུར་པ་འདེབས།། རྣལ་འབྱོར་པ་ལ་གནོད་མི
140b5 ཚུགས།། དེ་ཕྱིར་དམ་ཉམས་རང་ཉིད་ལྟུང་།། ཕྱི་མར་ཚ་བའི་དམྱལ་བར་ལྟུང་།། དེ་ཡང་འདུས་པའི་སྙིང་པོ་ཉོན།། ངེས་པའི་དོན་ལྡན་རྣལ་འབྱོར་པས།། ངེས་དོན་ཡང་དག་བཀའ་ལ་ནི།། གང་ཟག་སྨད་ཕྱིར་སྒྲོ
140b6 བཏགས་ཏེ།། མི་ཚིག་བསླད་ཟེར་ཕྱར་ཀ་གཏོང་།། ང་རྒྱལ་བདུད་ནི་ཁོང་ཞུགས་ཏེ།། བཀའ་རྐུན་དྷརྨ་འོག་བྲུས་བྱེད།། ཞེ་ལ་འདོད་ཅིང་ཆེ་ཆུང་བྱེད།། དེ་ཕྱིར་བདུད་བསླུས་དམྱལ་བར་ལྟུང་།། དེ་ཡང་འདུས་པའི
iiif viewer powered by OpenSeadragon
