| e-texts navigator |
| Wylie |
13b1 གཅིག། རྩ་བ་ཀུན་གཞི་ཉིད་དུ་འདུས།། སེམས་ཅན་ཀུན་ལ་གནས་ལུགས་ནི།། ཕྱི་བལྟ་བ་དང་ནང་བལྟ་བ།། གཉིས་ཀར་བལྟས་པའི་ཤེས་པ་དང་།། བཅོས་དགོས་པ་དང་མི་དགོས་སུ།། རྟག་ཆད་བྲལ་དོན་ངོ་བོར
13b2 གནས།། ཡང་དག་ཡོད་དང་བྱིན་རླབས་སུ།། ལན་དུ་ཕྱེ་ནས་བསྟན་པའི་དོན།། ཚོགས་བརྒྱད་སེམས་སུ་བསྟན་པ་ཡང་།། འཁོར་བའི་བག་ཆགས་བརྟས་པའི་ཕྱིར།། ངེས་དོན་སྙིང་པོ་མ་ཡིན་ནོ།། དེ་ཡང་སེམས
13b3 དཔའི་སྙིང་པོ་ཉོན།། སྒོ་ལྔའི་རྣམ་ཤེས་ངོ་བོ་ནི།། ཡུལ་སྣང་ཙམ་ནས་ཤེས་པ་སྐྱེ།། ཡུལ་མི་སྣང་ཙམ་ཤེས་པ་འགག། ཡིད་ཀྱི་རྣམ་ཤེས་ངོ་བོ་ནི།། ཡུལ་ལ་སྣ་ཚོགས་སེམས་པའི་ཕྱིར།། ཆགས་སྡང་ལོག་རྟོག་དག་ཏུ
13b4 འཛིན།། རྣམ་རྟོགས་སྣ་ཚོགས་ངོ་བོར་གནས།། ཉོན་མོངས་ཡིད་ཀྱི་ངོ་བོ་ནི།། ནང་དུ་ཞེན་པ་དམ་པར་ནི།། རྟག་ཏུ་འདུན་པ་ངར་འཛིན་པའོ།། ཀུན་གཞིའི་རྣམ་ཤེས་ངོ་བོ་ནི།། མ་རྟོགས་ཐ་མལ་དུས་ཙམ་ན།། རྟོག
13b5 པ་རྒྱས་ཤིང་རིག་པ་བསྒྲིབ།། རྟོགས་པ་མངོན་དུ་གྱུར་ཙ་ན།། མ་རིག་བསྒྲིབས་ཤིང་ཡེ་ཤེས་རྒྱས།། གཞན་དུ་དེ་དང་མཚུངས་པར་ནི།། ཚོགས་བདུན་སྐྱེས་ནས་འཕེལ་བར་སྣང་།། ཚོགས་བདུན་འགགས་ན་བསྒྲིབ
13b6 པར་སྣང་།། དེས་ན་ཤེས་པའི་ཚོགས་བརྒྱད་ཀྱང་།། ཡང་དག་མ་ཡིན་འཁོར་བའི་ཆོས།། དེ་ཡང་འཁོར་གྱི་སེམས་དཔའ་ཉོན།། སེམས་ཅན་མོས་པ་ཐ་དད་པས།། གང་ཟག་བློ་ཡི་རིམ་པ་ལ།། གནས་འགྱུར་ཆོས་སུ
iiif viewer powered by OpenSeadragon
