| e-texts navigator |
| Wylie |
13a1 དུ།། དང་པོ་ཤེས་བཞིན་ལུང་མ་བསྟན།། ཆོས་ཉིད་དག་པའི་རྩལ་ཡིན་ཀྱང་།། ལུང་མ་བསྟན་པས་རྐྱེན་དབང་གྱུར།། མ་རིག་རྒྱུ་ལ་ལོག་རྟོག་རྐྱེན།། རྐྱེན་བཞི་དག་གིས་བསྐྱེད་གྱུར་པས།། མ་རིག
13a2 རྣམ་པ་གཉིས་སུ་ཚང་།། ཟུང་དུ་འཛོམ་ནས་ཀུན་གཞིར་གྲུབ།། དེ་ཡང་འདུས་པའི་སྙིང་པོ་ཉོན།། ཡོད་མེད་ལ་སོགས་མ་རིག་པས།། ཐོག་མ་མེད་ནས་བདེན་འཛིན་པས།། འཁོར་བ་ལུགས་འཇུག་ཕྱིར་འབྱུང
13a3 རྟགས།། ཐག་སྦྲུལ་ཐོ་ཡོར་མི་བཞིན་དུ།། དབང་པོ་ཡུལ་ལ་རྟག་ཏུ་ཡེངས།། ཐར་ལམ་མི་ཐོབ་སྐྱེ་ཞིང་འཆི།། འཁོར་བའི་རྒྱུ་ནི་རྟོག་པ་སྟེ།། ལྟ་བས་མ་བསྒྱུར་ཡུལ་ལ་ཞེ་ན།། ཆོས་བརྒྱད་གཟུང་འཛིན་དམ་པར
13a4 བལྟ།། སྐྱེ་ཤི་སྡུག་བསྔལ་མི་འཇིག་ཕྱིར།། བག་ཆགས་མཚན་མས་རྐྱེན་བྱས་ནས།། ཁམས་གསུམ་འཁོར་བའི་འཁོར་ལོར་འཁྱམས།། ཐར་མེད་འཁོར་བར་ཀུན་གཞིས་བྱས།། དེ་ཕྱིར་འཁོར་བ་འབའ་ཞིག
13a5 ཡིན།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། འཁོར་བ་དང་པོ་གང་ནས་བྱུང་བར་བསྟན་པའི་ལེའུ་སྟེ་བརྒྱད་པའོ།། །། དེ་ནས་འདུས་པའི་འཁོར་རྣམས་ལ།། ཀུན
13a6 རིག་རྒྱལ་པོས་བཀའ་སྩལ་པ།། འཁོར་བ་རྣམས་ཀྱི་རྩ་བ་ནི།། ཡུལ་དང་སེམས་ནི་གཉིས་སུ་འདུས།། ཡུལ་ཀྱང་རང་སེམས་འཁྲུལ་པ་སྟེ།། སེམས་ནི་རྣམ་ཤེས་ཚོགས་བརྒྱད་ལ།། སེམས་ལས་འབྱུང་བ་ལྔ་བཅུ
iiif viewer powered by OpenSeadragon
