| e-texts navigator |
| Wylie |
139b1 དོན་བྲལ་ནོར་ཟས་འདོད།། འདོད་བློས་མཚན་མའི་ཆོས་ལ་སྤྱོད།། བསྒོམ་པའི་དོན་པོར་གཡེང་བའི་བདུད།། འཇིག་རྟེན་པ་ལ་ཁ་ལན་བྱེད།། འདུ་འཛིའི་བདུད་ཀྱིས་རང་བསླུས་ལྟུང་།། དེ་ཡང་རྡོ་རྗེ་སེམས་དཔའ
139b2 ཉོན།། རང་འཐད་པ་ཡི་གནས་ལ་ནི།། བཀྲ་ཤིས་འདྲེ་མེད་ལྷ་གཉེན་ཡོད།། རང་འདོད་ཞེན་པའི་བདུད་ཞུགས་ཏེ།། ཏིང་འཛིན་བཏང་ནས་ཉམས་དགའ་བརྩིག། སྲུང་མས་གཞན་དུ་འགྲོ་དབང་མེད།། ཟེར་ཞིང
139b3 བདག་རྟོགས་དོན་དང་བྲལ།། རང་སེམས་ཞེན་པ་བདུད་དུ་ལངས།། གཞན་གྱིས་བདུད་ཀྱིས་རང་བསླུས་ལྷུང་།། དེ་ཡང་འདུས་པའི་སྙིང་པོ་ཉོན།། རྣལ་འབྱོར་མཁས་པ་བསྒོམ་འདོད་ལ།། གཡེང་བའི་བདུད་ནི་ཁོང
139b4 ཞུགས་ཏེ།། གཞན་གྱིས་བསྟོད་པས་ཏིང་འཛིན་བཏང་།། ཆོས་འཆད་སྨན་དང་བཟོ་རྣམས་བྱེད།། འདོད་པའི་རྫས་ལ་ཞེན་པ་སྐྱེས།། གཞན་དོན་བྱང་ཆུབ་ཡིན་ཟེར་ནས།། བྱ་བའི་གཡེང་བ་ཆེད་དུ་བྱེད།། དོན་དང
139b5 བྲལ་བས་རང་བསླུས་ལྟུང་།། དེ་ཡང་རྡོ་རྗེ་སེམས་དཔའ་ཉོན།། རྣལ་འབྱོར་འཁོར་ངན་གདུང་དྲགས་པས།། སེམས་འཁྲུགས་བདུད་ནི་ཁོང་ཞུགས་ཏེ།། འཁོར་ངན་ཆོ་ག་སེམས་མེད་པར་འདོད།། དྲིན་དུ་མི་གཟོ་ཕྱར
139b6 ཀ་གཏོང་།། དེ་ཚེ་དད་ལྡོག་མི་རྣམས་འཕྱ།། སྒྲོ་སྐུར་འདེབས་ལ་ཞེ་སྡང་འབྱུང་།། འཁོར་ངན་བདུད་ཀྱིས་རང་བསླུས་ལྟུང་།། དེ་ཡང་འདུས་པའི་སྙིང་པོ་ཉོན།། སྤྱོད་པའི་བདུད་ནི་དེ་དག་ཀྱང་།། འཇིག་རྟེན་ཆོས
iiif viewer powered by OpenSeadragon
