| e-texts navigator |
| Wylie |
137b1 རོལ་ཕྱིན་བཅུ་ཆོས་སྤྱོད་སོགས།། ཐབས་ཀྱི་སྤྱོད་པ་མ་ལུས་ཀུན།། མ་སྤངས་ཀུན་ཀྱང་ཚང་ཞིང་རྫོགས།། དེ་ཡང་འདུས་པའི་སྙིང་པོ་ཉོན།། དེ་ཤེས་མངོན་དུ་མ་གྱུར་ཀྱང་།། ཟླ་བ་ཚེས་པ་ཉར་འཕེལ་ལྟར།། དེ
137b2 རྟོགས་ཁད་ཀྱིས་སངས་རྒྱས་ཀྱི།། ཡོན་ཏན་མ་ལུས་མངོན་དུ་འབྱུང་།། དེ་ལྟར་ཤེས་ཤིང་རྟོགས་གྱུར་ཀྱང་།། ཉམས་སྣང་མི་ལ་མི་བསྟན་ཏེ།། སྒྲོ་སྐུར་བར་ཆད་དངོས་གྲུབ་ཉམས།། དེ་ཕྱིར་རང་ཉམས་གསང་བར
137b3 གསུངས།། དེ་རྟོགས་ཉམས་དང་ལྡན་པ་ལ།། དགའ་བྲོད་བདེ་བ་སྣ་ཚོགས་འབྱུང་།། དེ་ཚེ་རྣལ་འབྱོར་སེམས་འཕང་སྐྱེ།། ང་རྒྱལ་དབང་གིས་བདུད་རྣམས་འབྱུང་།། རྫོགས་པ་ཆེན་པོ་དོན་འདུས་རང་བྱུང་བདེ་བའི
137b4 འཁོར་ལོའི་རྒྱུད་ལས། རྟོགས་པའི་སེམས་ཉམས་བསྟན་པའི་ལེའུ་སྟེ་ཞེ་གཅིག་པའོ།། །། དེ་ནས་འཁོར་གྱི་དོན་ཆེད་དུ།། རྡོ་རྗེ་སེམས་དཔས་དོན་ཞུས་པ།། ཏིང་འཛིན་ཉམས་དང་ལྡན་པ་ལ།། ལྷ་སྒོམ་སྤྱོད་པ
137b5 ཉམས་ཀྱི་བདུད།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། མཉམ་གཞག་རྗེས་ཐོབ་པར་དོ་ལ།། སྣང་བ་འོད་དང་གྲག་པ་སྒྲ།། འཇིགས
137b6 པའི་གཟུགས་དང་བསླུ་བའི་རྫུན།། ལྟ་བར་ཤེས་ན་དམ་པའི་ལམ།། དེ་ཡང་འདུས་པའི་འཁོར་རྣམས་ཉོན།། རྣལ་འབྱོར་དམ་པ་མཉམ་བཞག་ཚེ།། མཚན་མོ་མུན་ནག་སྤྲིན་རུམ་ན།། ནམ་ལངས་ཉི་ཤར་བཞིན་དུ
iiif viewer powered by OpenSeadragon
