| e-texts navigator |
| Wylie |
137a1 དེ་ནས་ཀུན་རིག་རྒྱལ་པོ་ཡིས།། དད་ལྡན་འཁོར་ལ་བཀའ་སྩལ་པ།། དེ་ལྟར་རྟོགས་པའི་རྣལ་འབྱོར་རྣམས།། ངེས་པའི་དོན་ལ་དམིགས་པའི་ཚེ།། དབང་པོ་ཡུལ་གྱི་མཚན་མ་རྣམས།། གཞི་ལ
137a2 མ་གྲུབ་དོན་རྟོགས་ཕྱིར།། དངོས་པོ་གྱི་ནར་རང་སྣང་ཡང་།། མཚན་མར་ཤེས་པས་གཟུང་དུ་མེད།། དེ་ཕྱིར་འདི་དང་འདིའོ་ཞེས།། ཡིད་ལ་གང་ཡང་མི་འགྱུ་བས།། སྣང་བ་ཆོས་ཀྱི་དབྱིངས་སུ་རྟོགས།། དེ་ཡང་རྡོ་རྗེ
137a3 སེམས་དཔའ་ཉོན།། འོན་ཀྱང་སྔར་གྱི་བག་ཆགས་ཀྱིས།། ཆུ་ཡི་ནང་གི་གཟུགས་བརྙན་བཞིན།། ཁ་དོག་དབྱིབས་ཀྱིས་བསྡུས་པ་ནི།། བུན་ནེ་ལོང་ངེ་འོད་དེ་ཙམ།། སྣང་ཡང་འདུ་ཤེས་མི་འཇུག་པས།། རང་གི་ཡིད
137a4 ཀྱི་ངོ་གང་ལ།། ཡུལ་མེད་ནམ་མཁའ་སྟོང་པ་ལྟར།། སང་ངེ་སལ་ལེ་རིག་པ་གསལ།། བདག་གཞན་གང་དུ་མཐོང་བ་མེད།། མི་དང་སེམས་ཅན་དངོས་པོ་ཀུན།། དཔེར་ན་སྒྱུ་མའི་གཟུགས་བརྙན་བཞིན།། སྣང་ཙམ
137a5 ཉིད་ན་དངོས་མེད་ཤེས།། དེ་ཕྱིར་འཛིན་པའི་བློ་མི་འབྱུང་།། དེ་ཡང་འཁོར་གྱི་སྙིང་པོ་ཉོན།། ལངས་ནས་སྤྱོད་ལམ་གང་བྱས་ཀྱང་།། དངོས་པོར་མི་འཛིན་རང་སར་གྲོལ།། གལ་ཏེ་ཡུལ་ལ་བརྟགས་པ་ན།། བླང
137a6 དོར་མེད་པའི་རྟོགས་པ་སྐྱེ།། བདེ་སྡུག་བཟང་ངན་གཙང་སྨེ་དང་།། ཡིན་མིན་སོར་མཐོང་ཇི་སྙེད་པ།། གང་ལའང་འདུ་ཤེས་བློ་མི་འཇུག། དེ་ཕྱིར་སྤང་ཐོབ་མེད་པར་རྟོགས།། དེ་རྟོགས་ངང་ལ་གནས་པ་ལ།། ཕ
iiif viewer powered by OpenSeadragon
