| e-texts navigator |
| Wylie |
136a1 སྐུར་རྟོགས།། དེ་ཡང་འཁོར་གྱི་སྙིང་པོ་ཉོན།། བལྟ་བསྒོམ་སྤྱོད་པ་འབྲས་བུ་རྣམས།། ཚིག་ལ་ཐ་དད་ཕྱེ་བ་ལས།། དོན་ལ་དབྱེར་མེད་ངོ་བོ་གཅིག། དེ་ལྟར་ལྷུན་གྱིས་གྲུབ་པ་ཡིན།། རྫོགས་པ་ཆེན་པོ
136a2 དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། མདོར་བསྡུས་པའི་གདམས་ངག་བསྟན་པའི་ལེའུ་སྟེ་སོ་དགུ་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།།
136a3 གསལ་ལ་མི་རྟོག་མི་གཡོ་བའི།། རིག་པའི་ཉམས་ཀྱི་དབྱེ་བའི་དོན།། ཡང་དག་ངེས་དོན་གདེང་གི་བཀའ།། མ་ནོར་མ་བཅོས་ཁྱོད་ལ་བཤད།། རྣལ་འབྱོར་དམ་པ་མཉམ་བཞག་ཚེ།། གསལ་ལ་མི་རྟོག་མི་གཡོ
136a4 བའི།། ངོ་བོ་རྩལ་དང་དཔེ་དང་ནི།། ཚད་དང་ངེས་ཚིག་ཡུལ་དང་འབྲས།། སྐྱོན་དང་གོལ་ས་སྒོ་དགུ་སྟེ།། ཆོས་སྐུ་ངོ་སྤྱོད་སྡོམ་ཚིག་ཡིན།། དེ་ཡང་རྡོ་རྗེ་སེམས་དཔའ་ཉོན།། རང་བྱུང་ཆོས་སྐུ་གསལ་བ་ཡི།། ངོ་བོ
136a5 རང་རིག་ཡེ་ཤེས་ཡིན།། རྩལ་ནི་སྒོ་ལྔའི་རྣམ་ཤེས་གསལ།། དབྱེ་བ་འདོད་པའི་ཡོན་ཏན་ལ།། དཔེ་ནི་ཏིལ་གྱི་མར་མེ་འདྲ།། ཚད་ནི་ཤེས་པ་མ་བསྒྲིབས་པ།། ངེས་ཚིག་གདམས་ངག་མ་བརྗོད་གསལ།། ཡུལ་ནི
136a6 སྣང་བ་ཆོས་ཀྱི་དབྱིངས།། འབྲས་བུ་ལོངས་སྤྱོད་རྫོགས་པའི་སྐུ།། སྐྱོན་ནི་དབང་པོ་ཡན་དྲགས་པས།། གོལ་ས་བྱིང་རྨུགས་འགོག་པ་ཡིན།། དེ་ཡང་འདུས་པའི་འཁོར་ཉོན་ཅིག། གང་ལ་རྣམ་པར་མི་རྟོག་པའི།། ངོ
iiif viewer powered by OpenSeadragon
