| e-texts navigator |
| Wylie |
135b1 གསལ་བའི་ལེའུ་སྟེ་སོ་བརྒྱད་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན་གདགས་ཕྱིར།། ཀུན་རིག་སེམས་ཀྱི་རྒྱལ་པོ་ལ།། བདེན་པའི་ཡིད་ཀྱིས་འདི་སྐད་གསོལ།། ཐེ་ཚོམ་གེགས
135b2 ཆེན་བསལ་བའི་ཕྱིར།། གདམས་ངག་མདོར་ནི་ཇི་ལྟར་བསྡུ།། བསྒོམ་པའི་དོན་ནི་དབྱེ་བ་གང་།། རྟོགས་པའི་སེམས་ཉམས་ཇི་ལྟར་འབྱུང་།། ཀུན་རིག་སྟོན་པས་བཤད་དུ་གསོལ།། དེ་སྐད་གསོལ་པའི་དོན་གསན
135b3 ནས།། འདུས་པའི་འཁོར་ལ་བཀའ་སྩལ་པ།། མདོར་བསྡུས་གདམས་ངག་ངེས་པའི་དོན།། ཁྱོད་ལ་བསྟན་གྱིས་ཡིད་ཀྱིས་ཟུང་།། ཡུལ་མེད་མ་ཡེངས་སྤང་བླང་མེད།། རེ་དོགས་གཉིས་མེད་རྣལ་འབྱོར་ལ།། ད་ལྟ
135b4 ཉིད་དུ་ཡིད་ཆེས་གདེང་།། སངས་རྒྱས་ས་ལ་ངེས་པར་གནས།། དེ་ཡང་འདུས་པའི་སྙིང་པོ་ཉོན།། རང་བྱུང་ཆོས་ཉིད་གནས་ལུགས་ནི།། བཟོ་བཅོས་མེད་པའི་ཤེས་པ་ལ།། སྒོ་སྐུར་གང་ཡང་མ་བཏགས་ན།། ལྟ་བའི
135b5 གཞི་ཉིད་དེ་ལ་བྱ།། དེ་ཡི་ངང་ལ་གནས་ཐབས་ནི།། སྔ་ཕྱི་མེད་པའི་གཉུག་མའི་རྒྱུན།། ཆེད་དུ་མ་བྱས་རང་གསལ་ཙམ།། དེ་ལས་མ་འདས་བསྒོམ་པ་ཡིན།། སྤང་བླང་མེད་པའི་སྤྱོད་པ་ནི།། ཡིན་མིན་བཟང་ངན་ལ
135b6 སོགས་པའི།། བཀོད་པ་གང་ཡང་མེད་པའི་ཕྱིར།། རིས་སུ་མི་བྱེད་སྤྱོད་པའི་མཆོག། རེ་དོགས་མེད་པའི་འབྲས་བུ་ནི།། ལུང་ལྡན་རྐྱེན་གྱིས་རྟོགས་པ་དེས།། ལན་གཅིག་ཐོབ་ཏུ་མི་རེ་སྟེ།། ད་ལྟའི་རང་སེམས་ཆོས
iiif viewer powered by OpenSeadragon
