| e-texts navigator |
| Wylie |
134a1 ཅད་ཀུན།། ལོག་པའི་རྗེས་སུ་འབྲང་བའི་ཕྱིར།། ཡུལ་མེད་ཐིག་ལེར་རང་ཤར་བས།། ཇི་བཞིན་མ་ནོར་སྙིང་པོ་ཡི།། ངེས་པར་གཞན་དུ་བལྟ་ལས་གྲོལ།། དེ་ཡང་རྡོ་རྗེ་སེམས་དཔའ་ཉོན།། ཀུན
134a2 བཟང་བརྡལ་ཁྱབ་རང་བཞིན་ལ།། ཐོག་མཐའ་ཆོད་ཕྱིར་གོལ་ས་མེད།། དེ་ཡང་ཡེ་ཤེས་རང་ཤར་བས།། གོལ་ས་ཉིད་ཀྱང་ཆོས་ཉིད་ཡིན།། ཡེ་ཤེས་ངང་དུ་གྱུར་པའི་ཕྱིར།། དམིགས་ཞེན་མེད་པས་གོལ་མེད
134a3 གསུངས།། དེ་ཡང་འཁོར་གྱི་སྙིང་པོ་ཉོན།། དཔེར་ན་གང་གིས་མི་ནུས་ཀྱང་།། ནམ་མཁའ་ཉི་ཤར་རང་གསལ་བཞིན།། རང་བྱུང་ཡེ་ཤེས་ངོ་བོ་ཡང་། རང་རིག་ཡེ་ཤེས་བདེ་གསལ་པས།། སྣང་བས་ཕན་མེད་གནོད
134a4 མེད་ཕྱིར།། ཕྱོགས་ཀྱི་ཐ་སྙད་བཤད་མི་དགོས།། རྡོ་རྗེ་སེམས་དཔས་ཡང་གསོལ་པ།། མ་བསྒོམས་དོན་དང་འབྲལ་མེད་པའི།། དེ་དོན་རྟོགས་ཐབས་གང་གིས་བགྱི།། མ་བསྒོམས་ཀློང་དུ་གྱུར་པ་ཡི།། རང་གི་ཐ
134a5 སྙད་གང་ལ་གདགས།། དེ་དོན་བསྒོམ་དུ་མེད་པའི་དཔེར།། མཚན་མ་བྱུང་ན་ཅིས་མི་གོས།། ལྟ་བ་རང་ཤར་ཆེན་པོ་ལ།། མ་བསྒོམས་གོལ་སར་ཅིས་མི་འགྱུར།། དེ་སྐད་ཞུས་པའི་དོན་གསན་ནས།། འདུས་པའི
134a6 འཁོར་ལ་བཀའ་སྩལ་པ།། སྙིང་པོ་རང་གི་རྟོགས་དང་ནི།། མན་ངག་དགོངས་པའི་ཐུགས་བརྟོལ་ནས།། ཤེས་རྒྱུད་རྟོགས་པའི་བླ་མ་ཡིས།། ཇི་བཞིན་ཉིད་དུ་ཤར་བ་ལ།། སྣང་བྱེད་ཆོས་སྐུ་ཉིད་སོན་པས།། མཚན
iiif viewer powered by OpenSeadragon
