| e-texts navigator |
| Wylie |
133b1 སྟེ་སོ་བདུན་པའོ།། །། དེ་ནས་འདུས་པའི་སེམས་དཔའ་ཡིས།། འཁོར་གྱི་ཐེ་ཚོམ་བསལ་བའི་ཕྱིར།། བདེན་པའི་ཡིད་ཀྱིས་འདི་སྐད་ཞུས།། རང་བྱུང་ཡེ་ཤེས་ངོ་བོ་ལ།། གཞལ་བྱ་མི་དམིགས་དོན་ཅི
133b2 ལགས།། སྣང་བའི་མཚན་མ་འདི་ཉིད་ཀྱི།། གཏན་ཚིགས་མ་གྲུབ་གསུངས་པ་ཅི།། དེ་དོན་གང་གིས་རྟོགས་པའི་ཐབས།། བལྟ་མེད་གསུང་པ་ཅི་ཡི་ཕྱིར།། གོལ་དང་ལྟུང་མེད་བསྟན་པ་ཡི།། མཐུན་དཔེ་གང་གིས
133b3 གང་ལ་མཚོན།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་ཚོགས་ལ་བཀའ་སྩལ་པ།། དངོས་ཉིད་ལ་སོགས་ཆོས་རྣམས་ཀུན།། བྱ་བ་མེད་པར་རང་ཤར་ཅིང་།། ཡུལ
133b4 མེད་ངོ་བོ་རང་ཤར་ཕྱིར།། ཡེ་ནས་མ་བསྒྲིབས་འོད་གསལ་བས།། གང་ཡང་གཞན་དུ་མི་དམིགས་ན།། གཞི་ལས་མ་གྲུབ་ངོ་བོར་སོན།། ཆོས་ཅན་མེད་པས་གཞལ་བྱ་བྲལ།། དེ་ཡང་རྡོ་རྗེ་སེམས་དཔའ་ཉོན།། སྣང
133b5 བྱེད་ཆོས་སྐུར་གསལ་བ་ལ།། ཇི་སྙེད་པ་ཡི་རྣམ་གྲངས་ཀུན།། དགག་བསྒྲུབ་བྱ་བ་མེད་པའི་ཕྱིར།། ཡེ་ནས་མ་གྲུབ་འོད་གསལ་བར།། རང་གི་ས་ན་ཡེ་ནས་གནས།། གཞན་ལ་བདག་ཏུ་མ་གྲུབ་ཕྱིར།། ཕྱོགས
133b6 གཉིས་བྲལ་བའི་བྱང་ཆུབ་སེམས།། མཐའ་བཞིའི་ཐ་སྙད་བྲལ་བ་ལ།། འཇལ་བྱེད་གཏན་ཚིགས་ཅི་ཞིག་དགོས།། དེ་ཡང་རྡོ་རྗེ་སེམས་དཔའ་ཉོན།། མཚོན་པའི་ཐ་སྙད་མི་བརྗོད་དོ།། ཆོས་རྣམས་མ་ལུས་ཐམས
iiif viewer powered by OpenSeadragon
