| e-texts navigator |
| Wylie |
132a1 རིག་པའི་ཡེ་ཤེས་ནི།། ལྟ་བ་ཡེ་གསལ་གོལ་མེད་ཆེ།། དོན་རྟོགས་འགྱུར་མེད་རང་རིག་ལ།། ཡེ་ཀློང་བསྒོམ་དུ་མེད་པས་ཆེ།། ཆོས་ཀུན་རྩ་བ་བྱང་ཆུབ་སེམས།། ཡེ་གྲུབ་བཙལ་དུ་མེད་པས
132a2 ཆེ།། འཁོར་འདས་གཞི་འཁོར་གཉིས་མེད་ཕྱིར།། ཀུན་གྱི་སྲོག་ཤིང་ཡིན་པས་ཆེ།། དེ་ལྟར་ངེས་པའི་དོན་རྟོགས་ནས།། གདེང་དུ་གྱུར་པས་ཆེ་བ་ཡིན།། དུས་གསུམ་སངས་རྒྱས་ཐམས་ཅད་པས།། ཀུན་བཟང
132a3 དགོངས་པ་ཆེ་བ་ཡིན།། ཐེག་གཞན་ཆོས་ཀུན་སྤྱད་པ་བས།། རྫོགས་ཆེན་མོས་པ་ཁྱད་པར་འཕགས།། རྫོགས་པ་ཆེན་པོ་དོན་འདུས་རང་བྱུང་བདེ་བའི་འཁོར་ལོའི་རྒྱུད་ལས། ཆེ་བ་བསྟན་པའི་ལེའུ་སྟེ་སོ་ལྔ
132a4 པའོ།། །། དེ་ནས་འདུས་པའི་ཚོགས་རྣམས་ལ།། ཆོས་ཉིད་ལ་བཟླ་བཀའ་སྩལ་པ།། ངོ་བོ་རྣམ་རྟོག་སྐྱོན་དང་བྲལ།། རྟོགས་པའི་ཡོན་ཏན་དཔག་མི་ལངས།། ཡེ་ཤེས་དོན་ལ་འཕེལ་འགྲིབ་མེད།། རྒྱལ་བའི་སྐུ
132a5 ནི་བགྲང་མི་ལངས།། རང་བྱུང་གཅིག་དང་གཉིས་སུ་མེད།། གསུང་གི་བརྗོད་པ་མཐའ་ལས་འདས།། ཡང་དག་དོན་ནི་ཚིག་དང་བྲལ།། མཁྱེན་པའི་ཡེ་ཤེས་དཔག་ཏུ་མེད།། རྩ་བ་ཐམས་ཅད་གཅིག་གི་ངང་།། སྣང
132a6 བའི་མཐའ་ལ་ཐུག་པ་མེད།། ངོ་བོ་རང་བཞིན་གཅིག་ཏུ་འདྲིལ།། རྒྱལ་བའི་ཞིང་ཁམས་བསམ་མི་ཁྱབ།། དོན་དུ་ཐིག་ལེ་གཅིག་གི་རྩལ།། ཆོས་ཀྱི་དབྱིངས་ལ་མུ་མཐའ་མེད།། ཀུན་ཀྱང་ཆོས་ཀྱི་སྐུ་ལ་འདུས།། དེ
iiif viewer powered by OpenSeadragon
