| e-texts navigator |
| Wylie |
131a1 བདེ།། དེ་ཡང་འཁོར་གྱི་སྙིང་པོ་ཉོན།། རང་དྲིན་འབྲས་བུ་རང་ལ་ཆེ།། གཟུགས་དང་བྲལ་བས་སྐྱེ་འཆི་མེད།། རང་ལས་བྱུང་བའི་ཡེ་ཤེས་སྐུ།། ཡུལ་མེད་རིག་པ་མངོན་སངས་རྒྱས།། འདི་རྟོགས
131a2 འབྲས་བུ་ལྷུན་གྲུབ་བདེ།། བསམ་པ་ཙམ་གྱིས་ལྷུན་གྱིས་གྲུབ།། མཆིང་བུ་རིན་ཆེན་ཁྱད་པར་ལྟར།། སྐྱེ་བ་མི་ལེན་མངོན་སངས་རྒྱས།། དེ་ཡང་རྡོ་རྗེ་སེམས་དཔའ་ཉོན།། དེ་རྟོགས་མི་ཟད་རིན་ཆེན་གཏེར།། དེ་ཡི
131a3 འབྲས་བུ་ཡོན་ཏན་ནི།། གཟུགས་མེད་རིག་པ་ང་ཡི་སྐུ།། ཐ་མལ་རང་སེམས་ང་ཡི་ཐུགས།། སྟོང་རིག་དྲན་པ་ང་ཡི་གསུང་།། རིག་པ་ཡོན་ཏན་གང་ཡང་འགྲུབ།། ཡེ་ནས་ཕྲིན་ལས་རང་བྱུང་བས།། རིག་པ་སྤྲོས་བྲལ
131a4 ཆོས་ཀུན་རྫོགས།། དེ་ཡང་འདུས་པའི་འཁོར་རྣམས་ཉོན།། འགྱུར་མེད་ལྷུན་གྱིས་གྲུབ་པའི་གཞི།། ཆོས་ཉིད་བདེ་ཆེན་ཀློང་ཡངས་ལམ།། སྐྱེ་འཆི་མེད་པས་འབྲས་བུར་སྨིན།། དེ་དག་གཅིག་ཕྱིར་རྒྱལ
131a5 པབའི་ཐུགས།། གསེར་གླིང་ས་རྡོ་མེད་པ་བཞིན།། སེམས་ཅན་དུས་ནས་སངས་རྒྱས་ལ།། ཡོན་ཏན་མཚན་དང་དཔེ་བྱད་ཀྱང་།། ཡེ་ཤེས་སྐུ་ལ་ཀུན་ཀྱང་རྫོགས།། ད་ལྟ་ཐ་མལ་ལུས་སེམས་ཀྱིས།། སེམས་ལས་མ
131a6 བྱུང་སངས་རྒྱས་རྙེད།། རྒྱུ་ལས་མ་བྱུང་འབྲས་བུ་རྟོགས།། ལུང་ལ་མ་བརྟེན་ཆོས་རྣམས་རྙེད།། ཐེག་དགུའི་ཆོས་རྣམས་གཅིག་ལས་མེད།། དུག་ལྔ་མྱ་ངན་འདས་པར་དག། ཐུགས་ཀྱི་ཀློང་རྡོལ་ཆོས་ཀྱི་སྐུ།། འཁོར
iiif viewer powered by OpenSeadragon
