| e-texts navigator |
| Wylie |
12b1 པོ་ཉོན།། དུས་གསུམ་སངས་རྒྱས་ཀུན་གྱི་ནི།། རྟོག་པ་ང་དང་འབྲལ་བ་མེད།། མ་བྲལ་ཆོས་སྐུར་རྟོགས་པ་ལ།། འཁོར་མེད་ཡོན་ཏན་བསམ་མི་ཁྱབ།། རྣལ་འབྱོར་དམ་པ་ལས་ཅན་གྱིས།། ཡིད་ཀྱི་དོན་རྟོགས་ངོ
12b2 ཤེས་པས།། ཀུན་བཟང་ཆོས་སྐུ་ད་ལྟ་ང་།། དམན་པའི་ལུས་ལ་སངས་རྒྱས་ཡིན།། རྫོགས་པ་ཆེན་པོ་ལྟ་བའི་ཡང་སྙིང་། ནམ་མཁའ་ཀློང་ཡངས་ཀྱི་རྒྱུད་ལས། ཀུན་ཏུ་བཟང་པོའི་ཐུགས་བརྟོལ་བའི་ལེའུ་སྟེ་བདུན
12b3 པའོ།། །། དེ་ནས་རྡོ་རྗེ་སེམས་དཔའ་ཡིས།། ངོ་བོ་ཉིད་ཀྱི་ཀུན་བཟང་ལ།། བདེན་པའི་ཚིག་གིས་འདི་སྐད་གསོལ།། ཆོས་ཉིད་ངོ་བོ་གནས་ལུགས་དང་།། ཐོག་མར་འཁོར་བ་གང་ནས་བྱུང་།། ཚོགས
12b4 བརྒྱད་ཆོས་སྐུ་ཇི་ལྟར་མིན།། ཐེག་བརྒྱད་འཁྲུལ་གཞི་ཅི་ལས་བྱུང་།། མ་རྟོགས་བསྒོམས་ན་ཇི་ལྟར་གོལ།། ལྷ་སྤྱོད་ཉམས་པའི་ཉེས་པ་གང་།། རྣམ་སྨིན་ལུས་ཀྱིས་ཇི་ལྟར་བསྒྲིབས།། འཁོར་བའི་བག་ཆགས་གང
12b5 ན་གནས། ཀུན་རིག་རྒྱལ་པོས་བཤད་དུ་གསོལ།། དེ་སྐད་གསོལ་བའི་དོན་གསན་ནས།། སེམས་ཅན་འཁྲུལ་ཚུལ་ཐུགས་རྗེ་ཡིས།། འདུས་པའི་འཁོར་ལ་བཀའ་སྩལ་པ།། གཞི་ལ་འཁྲུལ་པ་བྱུང་བ་ནི།། ཐོག་མའི
12b6 དུས་ཀྱི་མཐའ་དྲུག་ནི། ཀུན་གཞི་རྣམ་ཤེས་ཚོགས་བརྒྱད་ཀྱང་།། རང་སེམས་ཡིན་ཏེ་ཆོས་སྐུ་མིན།། ཡར་ལྡན་མར་འཁྲུལ་འཁོར་འདས་བྱུང་།། ད་ཡང་འདུས་པའི་སྙིང་པོ་ཉོན།། ཉི་མ་འཆར་ཀའི་མདངས་བཞིན
iiif viewer powered by OpenSeadragon
