| e-texts navigator |
| Wylie |
129b1 ཤེས་ངོ་བོ་ད་ལྟའི་སེམས།། རེ་དོགས་མེད་ཤེས་འབྲས་བུའི་མཆོག། དུས་གསུམ་རང་སེམས་འགྱུར་མེད་དོན།། མེད་ལ་མི་ཟད་རང་བྱུང་ཐུགས།། སངས་རྒྱས་ཞེས་ནི་དེ་ལ་བྱ།། རྫོགས་པ་ཆེན་པོ་དོན་འདུས་རང
129b2 བྱུང་བདེ་བའི་འཁོར་ལོའི་རྒྱུད་ལས། རེ་དོགས་མེད་པའི་འབྲས་བུ་བསྟན་པའི་ལེའུ་སྟེ་སོ་གཉིས་པའོ།། །། དེ་ནས་འདུས་པའི་ཚོགས་རྣམས་ལ།། བདག་དོན་རྟོགས་པའི་འབྲས་བུ་ནི།། ངེས་པར་འཁོར་ལ
129b3 བཀའ་སྩལ་པ།། ཡེ་ནས་རང་ལ་གནས་པའི་དོན།། རང་བྱུང་སྙིང་པོ་ཆོས་སྐུ་འདི།། ལུང་ལྡན་རྐྱེན་གྱིས་རྟོགས་ཙམ་ན།། འཁོར་བའི་མིང་མེད་ཡེ་ཤེས་རྒྱས།། དེ་ཡང་འདུས་པའི་སྙིང་པོ་ཉོན།། རང་བྱུང་སེམས་ལ
129b4 དབང་ཐོབ་པས།། ཅི་སྤྱོད་ཆོས་སྐུར་གསལ་བ་ལས།། ཞེན་འཁྲུལ་རྟོག་པ་མིང་ཡང་མེད།། ཐམས་ཅད་ཡེ་ཤེས་ཟང་ཐལ་ཉིད།། དེ་ལྟར་རྟོགས་པའི་རྣལ་འབྱོར་ལ།། མ་རིག་མེད་ཕྱིར་འཁོར་བ་བྲལ།། ཉོན་མོངས་རྩ
129b5 བ་གཏན་ནས་བརླག། ཕྱི་མར་སྐྱེ་བའི་རྒྱུ་མི་གསོག། དེ་ཡང་རྡོ་རྗེ་སེམས་དཔའ་ཉོན།། སྐྱེ་བ་མི་ལེན་རང་བྱུང་སྐུ།། དེ་ལ་ཡོན་ཏན་བརྗོད་མི་ལངས།། དེ་ཕྱིར་འབྲས་བུ་དུས་འདིར་སྨིན།། རྐྱེན་གྱིས་མི་འཇིགས
129b6 བརླག་པ་མེད།། སེམས་རྟོགས་ཤེས་པ་འདི་ལས་ནི།། བྱང་ཆུབ་ཐོབ་ཏུ་རེ་བ་མེད།། སངས་རྒྱས་ཡོན་ཏན་ཐམས་ཅད་ཀྱང་།། རྟོགས་པ་འདི་ཡི་རྩལ་ཡིན་ཕྱིར།། རེ་བའི་རྩོལ་བས་བསྒྲུབ་མི་དགོས།། དེ་ཡང་འདུས
iiif viewer powered by OpenSeadragon
